澳門珠海新玩法（一）

大大話話去過澳門珠海十幾廿次，行過好多地方，但今次仍然感覺新鮮。

星期六一早出上環坐船去澳門，先到威尼斯人酒店，因為朋友仔多年未踏足澳門，所以我同路人甲上次雖然黎過，但都行多轉啦，而且今次canal旁既街無咩人，行得比上次舒服。

聖馬可廣場

商場內的「街頭表演」

賭場，無玩，無興趣

行吓商場又搞吓contrast先

行完就行左過隔離個新濠天地等睇天幕表演。

由新濠望向威尼斯人酒店

天幕表演係免費既，但又幾ok喎，片長15分鐘，值得睇吓

跟住搭左的士去媽祖廟，開始行街街喇﹗黎澳門，其實我最鍾意係行佢d街仔，好靚好靚，好似現實版廸廸尼咁﹗

澳門響保留舊野方面真係做得好過香港，雖然有人話佢d野搞到好假，但d建築響新落成既時候都好新架嘛，咪當人地啱啱起好囉﹗

點解仲好有新鮮感呢？好似呢個媽祖廟，真係黎過好多次，仲記得以前對出係爛地，宜家搞到幾咁靚，而側邊d街仔又係以前未行過既，好似下面呢個港務局大樓咁，以前就真係未到過喎﹗

仲有就係d色彩真係靚到呢～～～～～

仲有張家輝套戲都響呢條街度拍架（一時又醒唔起叫咩名添），又係未黎過

呢度係阿婆井前地，又係以前無行過既

崗頂前地，好歐陸，以前應該無行過

呢個角度加陰天，仲以為係佈景板添呀﹗

因為約左其他朋友仔，所以又趕住去大三巴集合喇，仲有幾個地方我想去行吓架，唯有留待下一次啦﹗

搭巴士去到關閘，又等多幾個朋友，齊人後，一打人（12個）浩浩蕩蕩過關，去珠海。首先就係去酒店check in先啦，家陣大陸d房真係好興呢d設計喎﹗

然後去左間毛家飯店醫肚，狂食狂點菜，係咁飲天地一號，埋單位位四十蚊人仔，抵到呢～～～上面呢個紅燒肉，好正，似東坡肉，不過淡口d，下面呢個魚頭，滑呀﹗