我地因為好早入場,所以開始時無人,我地可以任影。呢d係鄉村既守護身,簡單d黎講,係負責嚇鬼既﹗
![](../images/Kou5g0p0xJyFG9FKAtTM9Q.jpg)
我地由景福宮既側門入,一入去行無幾遠就係一條七十年代既古裝街喇﹗
![](../images/2ZQF.3jrpXxt4aANpw98kA.jpg)
呢一日係特別日子,仲有得入去免費剪個七十年代髮型添呀﹗
![](../images/xnI_IN4jtqXlK0_C_x.nFg.jpg)
仲有得影相
![](../images/WBmfhGRiYnIvpXTESD8_XQ.jpg)
![](../images/2SPvCDQ4wUFlByClcng8AA.jpg)
行完之後,入左去旁邊既博物館,無啦啦有個非洲館,見到好多有趣既樂器
![](../images/3Di6Se23CDI_kA6M_sAXXg.jpg)
之後就有一d有關韓國文化既野喇,呢個係六十大壽時既慶祝呀
![](../images/HfwvHBsvMYqkmjc7qcwBxg.jpg)
行左兩個鐘博物館,一行出黎聽到好嘈,沿住聲音搵,見到有表演呀,都幾好睇喎﹗
![](../images/PUhmlPyBQSD24XOZoyFPrA.jpg)
![](../images/c.qlasPLUQRoNDCvEzQlhw.jpg)
睇左好耐,就開始周圍去睇d攤位喇﹗今日有好多人著住傳統韓服出黎,可以任我揀個靚靚既先行埋去問佢地可唔可以合照。呢個妹妹好cool架,諗左好耐至話yes咋﹗
![](../images/2mhQXgYMUMoti3gxmXV3cw.jpg)
景福宮即係我地中國既紫禁城,但無論規模同建築物既大小都比中國既小同細,原因係古時韓國係中國既藩屬國,為怕老大哥中國怪罪莊閒不分,所以韓國任何野都次等於中國,而且,當時韓國非常崇拜中國,所以又有好多野係學中國既,其中,文字係最直接學習而使用既。可惜,後來因為皇帝覺得文盲問題太嚴重,所以發明左宜家呢種咁科學化而且易學既文字,更可惜既係,佢地幾乎放棄左漢字。需知道,懂漢字可以學得更多文化,而且於現時黎講,中國掘起,非常實用。不過,人地韓國人唔用漢字都情有可原,我地中國人無啦啦搞d簡體字出黎,淹沒自己既文化就真係匪夷所思喇﹗
![](../images/Il_FYUvE9Tww03RUg.78wQ.jpg)
行完都兩點喇,剛好可以睇每個小時整點都有得睇既交更儀式。你可以隨便行入去同呢班守衛影相,佢地基本上係唔郁既,但係有d阿豬媽一行埋去就攬住人地對手,守衛唯有掃開佢啦。呢個守門官好似周杰倫架﹗
![](../images/HS_lY4tuj0DIBNHx0_8Syw.jpg)
![](../images/KqDsuPwzqf71xaqahkhkoA.jpg)
行完景福宮,亂行亂行,行到黎清溪川,一條韓國人引以為傲既保育大發明。
![](../images/QpWADiUa4DFZUeFBfpEtwA.jpg)
一路行都見有好多攤位,小朋友真係開心晒﹗
![](../images/OcssbBlamDo5dLDXKPr9MA.jpg)
唔洗錢,我梗係唔蝕抵,玩番鋪啦,入左﹗
![](../images/OL0toDZ5bC1Yy7Bq6Xxcnw.jpg)
呢日最後既節目係去食人參雞湯,好味,仲有好好飲既人參酒添呀﹗
![](../images/jWwRhx_3u84YAmnqnEC7Hw.jpg)
回程路上,經過景福宮個大門,光化門,搞吓攝影先﹗
![](../images/MMy.MwhPHuU3dc9lcJSmIw.jpg)
下晝行過吓仁寺洞架,買左d護膚品,嘩﹗香港既三折咋﹗
![](../images/GVoJrJwUaE1KCrB0TgdYfw.jpg)
仲送左咁多sample添﹗
![](../images/d0nXJEX0WVAMmh5UYzwloA.jpg)
只不過,本來打算食既車仔檔同燒肉都係無機會食到。
沒有留言:
張貼留言