緬甸－－蒲甘（1）

29/3/10一早起身，因為要搭0615既機去蒲甘。

0715準時到達蒲甘，New park hotel既司機黎接我地，15分鐘就到hotel喇。

今日我地租左架馬車去古城，本來要k12000一日既，點知原來接我地車既司機同馬車個老細唔妥既，所以個司機同我地講租一日只係k8000就得架喇，搞到個馬車老細要收平我地。

就係呢架喇，當然唔係我地自己揸啦。

成個古城都充滿著呢d塔，而古城俾我既感覺就好似柬埔寨既吳哥咁，如出一徹，但吳哥比較grand一d。食完午飯，天氣熱得不得了，就住上次吳哥既經驗，今次我決定唔會返hotel，直頭響食飯果度搵張comfort chair瞓一覺，瞓醒再行過。

呢度除左有馬車，仲有牛車。

「萬塔之城」，果然名符其實，好多好靚，形態好優雅既佛塔。以前讀書只學會temple，但去到呢度，更學會pagoda, stupa, kyaung, pahto等等，點分？

temple：等如pahto，四方形有四面門，有四磚佛，每倨方向一磚，可以爬上上層的廟。

pagoda：中間一座鐘型塔，只可以圍住佢響外面行，中間有一磚佛，不可以爬上上層的廟。

stupa：小型鐘型塔。

圖中所見既都係stupa。

好多好多佛像，而緬甸人亦真係好好好信佛。

小朋友放緊暑假，有d幫吓手賣手信呀postcard呀，有d周圍玩吓。

Ananda Temple裡面四磚standing statues其中之一。

呢座係全古城最高既Thatbyinnyu Temple，一d都唔似佛廟，似古堡。

阿姐為左兜生意，幫我地查香木粉。對於緬甸人黎講，香木粉係一種化妝品，功效係：萬能。所有男男女女，老老嫩嫩都會查，所以SKII呢d化妝品品牌響呢度應該係：無前途。

佢攞住舊香木，灑d水響塊石上面，就係咁磨喇，好快就會有d糊狀既野出現，我就係查果pat野落塊面度喇﹗後來我地無幫阿姐買野，但係佢都送左塊現成香木粉（唔洗磨，濕水即可用）俾我地。

上晝我地去左：

1. Shwe-leik-too temple

2. Hitlominlo temple

3. Upali Thein

4. Ananda Temple

5. Thatbyinnyu Temple

食完飯，響樹下瞓左一覺，下晝去左：

1. Mahabodhi Pagoda

2. Bupaya 

3. Gawdawpalin Temple

4. Shwegugyi Temple

下面呢粒金就係響Bupaya裡面架喇。

而Bupaya就響正Ayeyarwaddy River旁。

Shwegugyi Temple

好特別既一磚佛，係佛爸爸同佛仔仔，獨一無二，第二度無架。

後來我地去左Buledi等日落，呢位西班牙肥仔同我地一樣咁無聊，等等吓響度做yoga，於是我地又玩鬼佢啦。個太陽落落吓唔見左，中途走佬，於是肥仔走過黎傾計。佢響Bombay做野，佢兩位女朋友呢，一個響北京讀普通話，一位響新加坡做野，大家約埋一齊黎緬甸玩，其實佢地之前已經一齊去過好多地方架喇，呢d友誼真係珍貴。我地傾到天都黑埋至捨得走。最搞笑係我地既對話係：普通話＋英文，再各自用西班牙文同廣東話，轉台轉到精神晒﹗

Buledi係我響蒲甘最喜歡既地方，除左遇上一班有趣既西班牙人之外，更係因為呢度真係好舒服，人唔多，可以瞓響度等日落，好hea，好peaceful﹗

影得塔多都影吓人，搞吓藝術先﹗

呢磚佛勁似祥嫂，尤其粒癦﹗

緬甸既蚊好強勁，我仲以為我會俾蚊咬到瘧疾呀﹗