嶺南派山水畫(第二堂畫蘭花)

今日學畫蘭花，真係唔係幾掂，因為太少留心呢種花。

助教成堂都無行過埋黎，而阿老師又只係響我開頭畫既時候講左句：d花唔夠色。於是，畫完第一幅，交俾老師睇，佢淨係話：d葉唔夠深淺色，d花既顏色太單一。又於是，我再畫多幅，就係上面呢幅喇。

當我畫完第二幅時，阿助教行埋黎：呀﹗你畫成點呀？成堂都無睇過你添。畫得好靚喎﹗

我心諗：知就好啦，落堂仲行埋黎？﹗

今次我交俾阿老師睇既時候，我同佢講：老老實實喇，有咩唔好講晒俾我聽。

佢答我：講出黎你就唔開心架lu喎﹗

我仍然係果句：講啦﹗

佢唯有：於我黎講呢，就無一筆好架喇，但係初學黎講呢，好好啦﹗d點太工整，畫花時唔夠放膽囉，諗過至畫既，d葉就放好多喇﹗

我，如果，睇完一次，自己試畫完，就走左，洗鬼黎學咩，死都要佢講多兩句，扮唔明，要佢示範俾我睇要點畫。