我地要求阿姐帶我地行小路去遇龍橋，但係佢話呢d天氣水位太高，去唔到，咁就去朝陽碼頭再沿遇龍河出番大路去月亮山啦﹗
沿途風景美不勝收，仲愈踩愈有太陽添呀﹗
繼法國凡爾賽宮、長灘島同北京之後，又一次有得踩就踩喇，下個目標係法國街頭。
清朝大將軍故居。
胡陽碼頭旁一景。
朝陽碼頭大批竹筏浮在水上。
繼續前進，沿路真係好靚，亦好舒服﹗
去到邊度覺得靚又停低影下。
成條遇龍河有好多呢d小霸，以前用黎灌溉用既，而家先進左，無用lu﹗而家成為漂流既玩意之一，衝霸。咪睇少，有d成米高，有人尖叫架﹗
呢幅係我地走左入去一間叫陽朔勝地既酒店影既，高度推薦呢間酒店，淨係個景同環境都值番啦﹗
大部分既路都係柏油路，唔難踩。
踩出大路後，經過大榕樹後，好快就到左月亮山喇﹗
無幾耐就到左漂流既終點－－工農橋喇﹗
之後經過金貓洞攀岩基地，做遊客生意，平日RMB50一次，假日RMB100一次（一上一落為一次），發癲，咁貴，呢個價錢響香港攀幾日朝九晚五喇﹗
返回西街之後，再踩去漓江邊hea多陣，1730還車，返酒店休息。
今晚揀左呢間法國野，不過我地係食中菜，味道唔錯，個老闆係法國人，d普通話流利到爆﹗
食完飯，去攞番之前訂左既手繪T-shirt，畫幾米既畫，畫得唔錯，背面仲有兩隻小南瓜架﹗
然後又係行西街，買下野，就返酒店喇，完全無去過d bar，好嘈﹗
－－－－－－－－－－－－－－－－－－－－－－－－－－－－－－－－
有用資料同溫馨提示：
1．我地由陽朔汽車站沿路去疊翠路問過好多擋，價錢一樣（普通車RMB10，爬山車RMB20，租車一次性，唔理你玩幾耐，總之一次10／20蚊，阿姐帶路又係一次性，一次RMB20，唔搵佢帶路要放RMB300一部車既按金）但係驢行驛棧路口呢擋d車最新。帶我地位阿姐識講廣東話，但會sell你玩漂流，價錢較自己call師傅貴好多）。
2．最好搵阿姐帶路，條路唔難搵，都有好多阿姐帶緊其他客，但最主要係阿姐可以幫你睇車，幫你影相，俾你問好多野，了解下當地生活，佢仲會沿路介紹下d山。
3．唔好響朝陽碼頭上筏，路程短左，收費貴。
4．最好租爬山單車，會舒服好多﹗
5．大路多車，空氣較差，十里畫廊既景點我都無入，聽講唔吸引﹗
6．日繪T，RMB30，隔日有取，新西街汽車站路口一擋「暴風一族」畫得幾好﹗卡通人物唔係好得﹗
17/4 果日, 實行左我個徙步計劃: 陽朔 - 驥馬 - 朝陽碼頭 - 夏棠碼頭 - 遇龍橋 - 金龍橋 行左4個多小時, 夏棠一路去到金龍橋, 大部份都係石仔路 你個導遊阿姐無呃你, 條路如果落完雨, 真係不宜踩單車
回覆刪除[版主回覆04/19/2009 23:33:00]你有無請阿姐帶路呀？行應該幾好喎，不過我諗踩單車會舒服d﹗
妳去的時候，多遊客嗎? 今次雲南，好多人!
回覆刪除[版主回覆04/19/2009 23:34:00]都多呀，不過仍然可以接受﹗
徙步就無請阿姐呀, 因為 16/4 果日搵返上次個阿姐帶我踩 驥馬-朝陽碼頭-工農橋，發覺原來條路真係好易搵... 加上沿路d 村民都好helpful, 基本上徙步係絕對無難道.
回覆刪除[版主回覆04/20/2009 17:58:00]以為你無踩單車添，原來你踩完再行，我都嫌個日踩單車影得相少呀﹗
我在驢行前的一檔租都係廿蚊……但我踩小路到福利………沿途真係……得田，冇河！早知跟你走…
回覆刪除[版主回覆05/08/2009 10:52:00]去福利好似係行大路，仲要入兩次隧道，都係我個條路靚d﹗
我去福利係小路去，大路回！小路都幾凳！ 我朋友仔因為咁而跌損左，要帶路阿姐送回陽朔……佢才出發左廿分鐘左右咋……阿姐亦少收我地帶路費！ 我則自己繼續上路…過福利時要帶同單車一齊上船渡河，收三蚊……上到船才知只得一百蚊紙，船家冇錢找……好在有船客幫我俾埋！哈哈。
回覆刪除[版主回覆05/08/2009 16:35:00]但係通常行小路風景都會靚d架喎﹗