龍脊陽朔之旅第一二天

8/4放工後，立即飛奔上深圳搭17:50火車上桂林。搭火車既原因只係佢時間好，同埋路人甲未搭過卧舖火車。由於路人甲擔心火車上既治安問題，所以去程搭左好貴既軟卧。（個喼野唔係我架﹗）

9/4一早0645就到左桂林，食完早餐仲坐左陣至夠鐘(0900)去停車場搵「全景樓」既車去大寨。呢度就係桂林火車站喇﹗一到步就落狗A，唉﹗

1130，到達大寨，一落車就有一大班瑤族大姐叫你俾個背包佢，佢幫你揹上山，收番你RMB30。

落車後，首先去大寨食晏。行左十分鐘左右就到喇，食飽飽再上山﹗

大寨內一景。

好可愛的土地公公。

飯後開始上山，落住雨，泥路﹗

途中見到既梯田同我上次去貴州時既景差唔多，不過，當然呢度d線條係靚d既﹗

好大霧啊﹗

途中一景。

2號景點－－千層天梯。

行左兩個鐘，到左全景樓，間房都好大間架﹗

呢舊石，伸左出去，嚇到死都要影一影。唉﹗畏高真係無用，個病情仲好似愈來愈勁添呀﹗嗚～～～～～

全景樓內雨後桃花。

途中friend左既北京女孩，介紹左好多陽朔正野俾我知，好似呢件手繪衫咁，真係好介紹呀﹗

呢日晚餐叫左竹筒糯米飯、蒸土雞、炒蕨菜。味道很好﹗

有用資料及溫馨提示：

1．住大寨就最好住全景樓，因為佢會響桂林火車站接你，車費RMB40，好過自己坐車，車費差唔多，而且唔洗轉車，又有人帶你行晒三個景點。

2．全景樓就響1號景點旁邊，而且佢望出去個景好正。住望景房絕對正，雖然無洗手間，但係公厠數量係一間房一個，好ok呀﹗

3．其實，全景樓係安排左人帶你上山既，如果唔幫襯瑤族阿姐，都會有人帶路，不過，d阿姐都靠呢d勞力搵飯食架，幫襯佢地，自己舒服d，佢地又有啖好食，無所謂啦﹗

4．大寨有五條村參與揹背包呢門生意，係輪住一條村一日，即係話每條村每個月得六次機會，而每條村都有成三十幾個阿姐爭生意，都係生活迫人個隻呀﹗

5．大寨入場費：RMB50

6．全景樓一晚：RMB70

7．深圳往桂林火車票（軟卧）：RMB444（下舖）／RMB426（上舖）

待續…