行左三粒鐘，搭車返陽朔食lunch＋tea，響西街既後街有條好短既cafe街，我地行左一圈，揀左呢間，Kelly's Cafe。開頭坐樓下，都已經唔錯架喇﹗
後尾落毛毛雨，走上樓上坐，仲正﹗坐樓上，好舒服﹗好有歐洲渡假feel。
d野食都好味呀﹗
坐到五點幾至返酒店pack行李，搭1805班直車返桂林。同Peggy就此拜別。1915到桂林汽車站後，行左大約十五分鐘就到左火車站，我食個桂林米粉，路人甲就食左個快餐RMB8。
食完仲未夠時間上火車，寫下記錄啦﹗見到我側邊呢個係咩黎嘛？
呢個係捉魚用既魚籠，我同路人甲都同一時間睇中佢，要黎做咩呢？哈哈，燈罩﹗
去程時，我叫路人甲去硬卧睇下，佢睇完之後淨係話好多人，咁我話返個程試埋硬卧啦（其實去個程我都不知幾想瞓硬卧呀，慳番好多呀﹗），結果一到桂林個日就買定回程票喇﹗
坐左十三個鐘，16／4上晝1050就到左深圳，我地仲打左陣書釘至返香港。
唔算滿分既旅程，但係好寫意，好開心，好滿足﹗
我有晚再去 kelly's 食 dinner, 佢既西餐, 有水準過紅星特快... 下次再去, 都係試下d 舖仔仲好...
回覆刪除[版主回覆04/21/2009 16:31:00]d名氣野通常都唔係真係好正架，我響陽朔都係試左一次沒有飯店，其他都係周圍去碰下，食下d網友無講既餐廳，好似間法國野咁，野食ok，個位好舒服﹗我宜家頭痕緊暑假去英國d機票同唔知學校八月幾時開會，個行程有排砌呀﹗
蛇仔， 睇完你的行程，好吸引，尤其係金龍橋一段！ 想問，其實係咪冇必要去留在桂林，桂林本身係咪冇乜野好睇﹖ 因為我想五一去三日，所以，想揀最重要的去行！ ( 如可以，請回覆至 darkiechan@gmail.com )
回覆刪除[版主回覆04/23/2009 12:57:00]桂林市基本上同中國其他大城市無咩分別，而且素質仲比較差同落後，一般既旅遊點唔太吸引(對我自己黎講啦)，可以作為一個轉車站就算喇﹗
行程建議：
三日精華遊：
day1前一晚搭五點幾火車上桂林，第二朝六點幾到(或坐大巴，八點幾開車，第二朝中午前到，或者day1一早搭飛機，中午左右到)。搭車去龍脊，點搭都係中午到。下午行晒三個景點。
day2一早去桂林轉車去陽朔，途經銀子岩，玩個半鐘，下午踩單車，一定要踩小路。
day3一早遇龍河漂流(半漂)，下午留在西街或乘車去福利。六點左右乘車出桂林，轉車往機場，晚機返港(好似係九點幾機架)。
四日精華遊：
day1, 2同上。
day3乘車往楊堤漂流或徒步往興坪，睇完日落返回西街。
day4同三日精華遊既day3。
硬臥一程幾$ah?
回覆刪除5日full day 行程如何安排, 麻煩妳!
[版主回覆03/11/2010 22:25:00]約RMB250 基本上跟下面個行程，不過可day2傍晚至去陽朔，即午餐後離開山區。而漂流就要全漂喇﹗勁正﹗記住搵朱師傅，話香港劉小姐介紹黎既，唔望平d，但服務一定會好d。 幾時去呀？