曾財爺與X校董

最近曾財爺單野，又令我想起一件舊事。

話說當年同另一個同事負責小食部同飯商既投標，X校董有朋友做呢d生意，當時X校董表現得相當關心，開會時，處處幫朋友既標書講好說話，甚至乎話可以叫朋友既公司重寫標書。吓？有無常識架？犯法架喎﹗我彈佢朋友既標書呢，俾佢鬧到好似我話緊佢唔得咁。最可笑係當時經常聲稱自己係基督徒既校長，竟然唔阻止，仲投X校董朋友公司一票。大佬，學生食貴野不得止，間野仲無任何優點可取喎﹗而幾個家長有d投棄權，有d投贊成，喂，你個仔成績唔好啫，我地唔會趕佢走架(如果佢無得罪有權力既老師)﹗

成個會犯左幾多法，我唔知，總知叫你呢樣唔准寫響會議紀錄度，果樣又唔可以寫響會議紀錄度，我感覺係：被迫參與生平第一次犯法勾當。

結果，X校董個朋友中標，另一個負責呢單野既同事驚有事，八月中都辭職，辭職後仲特登打電話黎叫我keep好d文件，免得俾人亂插一刀。

後來唔知邊個去ICAC投案，ICAC黎查，當然查問我啦，問完一大輪，個調查員都話好可惜響會議紀錄度無任何可以用黎charge既證據。

無論受過幾多教育，有d人既本性係無得改既﹗

人性本惡﹗