第六天，卡帕多奇亞

忙左咁耐，終於有少少時間打吓blog喇

續：

第五日去既地方都係睇吓d山谷，而健行既山谷(lhrara vadisi)，全長16公里，我地參加local tour，只會帶你行其中3公里，仲要鬼咁趕，咁靚既河谷應該行一日就真。行完河谷之後，去左selime既一間monastery，可以遠遠望到拍「星球大戰」既岩石區。

另外，參觀既地下城都幾有趣，裡面錯綜複雜，周圍個樣都差唔多，係以前d人遇到有敵人來襲時避難既地方，可以住成萬人，連釀酒室都有，又聰明到有埋通風系統，地面以下十層樓都仲有新鮮空氣用架。

27/4/2011，第六天，星期三，晴，Cappadocia

尋日天氣唔夠好，今日決定再上觀景台睇多次熱氣球，果然不負眾望，正到爆，超靚﹗

今日d熱氣球向西飛，同尋日唔同，可能係因為有太陽，同熱空氣有開卦﹗

食完早餐，book左既ATV間shop既人黎pick up我地去鋪頭，其實我地自己行落去都好近，不過，佢包埋既就慳番d腳力啦﹗

第一次玩ATV，好興奮呀﹗一架ATV(TL100)，玩四個鐘，兩個人share一架，同join個短線tour一樣價錢，路線亦差不多，當然玩啦﹗準時0900出發，最初好多平路，但一入小路，我就差d反車，原因係「搶軚」，原來係要用力d揸實盤軚架。

第一站睇rose valley同red valley

第二站去cavusin，係church黎既

由山頂望出去好壯觀

附近有個墳場，好多小花

第三站去pasabagi，我叫佢磨菇山

去第四站途中，見到有人騎馬，好型呀﹗

第四站去love valley，但係尋日去過，所以經過左無停低。

第五站去uchisar，山頂有個castle，上山時發現呢個山頭好高貴，應該係有錢人住既度假區

呢個就係tour guide喇﹗

跟住去埋gorceli同埋iceri dere valley就返歸喇，足足四個鐘，好玩﹗

下晝食飽之後，成1500先開始行去goreme open air museum，唉﹗hea既結果就係玩左場定向囉﹗我地行吓問吓聽日d資料，又食吓，響museum關門前45分鐘先買票，於是幾條友各有各搵自己想睇既cave church同埋monastery去睇，好彩個山頭唔係好大，跑完一輪，趕頭趕命咁叫做睇晒(最著名既黑暗教堂karanlik church要額外收費，TL8，所以我無入，佢之所以叫黑間教堂，只係因為佢夠黑，光線微弱)，但係山腰個tokapi church(呢區最大既一座教堂)就睇唔到喇﹗

d church就係呢幾舊石裡面喇﹗

church裡面有好多拜占庭時期的壁畫，又係幾百年歷史果d囉﹗

玩完一日，涼又無沖咁就坐通宵巴士去kahta喇﹗