輻射之旅--日本(京都，上)

26/6/2011，晴轉陰，星期日，第六天

今日既主要目的地係嵐山。

我地住既旅館好近京阪電鐵，所以去左睇吓價錢，發現坐JR仲平仲方便(460日元)，結果行多兩步去JR，不過其實JR個站都係好近。

上車前，去便利店買個早餐先。廿分鐘就已經去到嵯峨嵐山站，JR站旁邊就係小火車總站。唔搭住，首先去搵竹林，十分鐘左右後，就見到有竹林喇，但唔係好靚，行到去野宮神社。

再繼續向前行，就會去到天龍寺後門，呢度先至係靚竹林

行完竹林，行返去天龍寺後門入去花園(入場費：500日元)

響花園係唔可以行入去呢間「方丈」既，可以出左花園追加100日元內進，不過，我地無入，因為響花園都睇得七七八八喇﹗

出左花園就差唔多離開天龍寺，不過，仲有好多小花園可以行，仲有到有紅葉，棵樹應該已經變左態架喇，有咩理由熱到死仲有紅葉呀﹗

一行出天龍寺大門，大家都覺得肚餓，於是就響街口間精進料理填肚，千幾日元有個份量好足既餐，好食又抵食呀﹗

食飽之後，沿住商店街一路行，好快就到左渡月橋，夏天黎，真係無咩特別

待續......