第八、九天，Urfa / Harran

29/4/2011，第八天，陰晴陰有雨，星期五，Urfa

今日零晨三點起身，為的是上人頭山睇日出，其實我呢朝早完全不抱任何希望，因為天氣根本唔好，尋晚問阿經理如果我地今朝先cancel得唔得，佢又呢又路咁，結果係如果出發時落狗屎就可以取消啦﹗唉﹗本來有d想同d朋友講我唔去架，不過費事啦，結果真係遊車河，來回坐左三個鐘車，上到山上面個停車場時落雨，大風到爆，大家車都無落，響車度等左一大輪，原車返歸。

食個早餐，十點再出發，目的地係Urfa。個死人經理尋日話去Urfa既tour要TL150，今日講到TL60都肯，食水深到呢~~~~結果我地計過條數，都係自己搭車平一截。

Kahta--Adiyaman(TL3), Adiyaman--Urfa(TL10)。兩個幾鐘後就到左喇，但係去到hostel時，佢又係話我地無book，唔理咁多喇，出左去玩先，向猶太人之父阿伯拉罕出生既山洞進發。

大家行行吓有兩位話要唱錢，咁我地就走左入一間gallery裡面行吓，點知裡面有好多workshop

結果，兩幫人走失左，我地只好向目的地行，希望會遇到佢兩個啦﹗點知，去到阿伯拉罕山洞附近時，有兩個當地青年同我講：「你有兩個朋友響果邊等你呀﹗」哈哈﹗原來佢兩個問過人有無見過幾個中國人。

阿伯拉罕山洞亦是一個朝拜同埋禱告既地方，男女分開兩邊。

附近又有個好細既池，d人會租船去划。

fish lake，傳說伊斯蘭教既先知阿伯拉罕被亞述王用火燒，真主將火變成水，燃燒既煤變成魚，就係呢度既鯉魚喇。信唔信？

山上既Castle向下望既景(castle, TL5)

之後，我地諗住去沖土耳其浴，咁見lonely planet話附近有間Arasa夠古老，於是響市場度問人啦，d人又鬼咁好，帶埋我地去，點知......原來已經成為一間雜貨鋪既貨倉。

而雜貨鋪老闆話土耳其浴係有時間限制既，女人既時間通常響1000-1700，唯有返hostel沖香港浴啦﹗

_____________________________________________________________

30/4/2011，第九天，晴轉陰有雨，星期六，Urfa / Harran

今日一早五點幾又俾「阿啦」嘈醒，唉﹗

今日join左hostel既tour，係私人tour黎既，去Harran(連創世紀都提及過既Harran，位處敘利亞附近)，TL20，算OK架﹗0915出發：

Grand Mosque

Castle

Beehive houses(響土耳其獨一無二既蜂巢屋，但響敘利亞北部仍然有不少)

去完參觀後，我地叫司機車左我地去沖土耳其浴，係local既，詳情請睇玩轉土耳其浴

Urfa街景

1830去機場(hostel收每人TL13車我地去機場)搭內陸機去Antalya，響Ankara轉機，TL203，每程1小時20分鐘。去到Antalya，響機場坐的士去舊城區(TL35)，半個鐘即到，間酒店非常有渡假feel。