第二次深水埗exploration

今朝一早去左睇toy story 3，超正﹗然後就去左深水埗。

以前成日陪路人甲黎深水埗，但係都係局限於鴨察街、黃金同高登。今次，係呢兩個星期內第二次黎深水埗探索。上次係約左個靚靚ex實習老師一齊去做decoupage，我見未夠鐘就一條友周圍走，響汝州街行左個圈，買左少少野，俾巴基斯坦男人撩左幾次﹗今次同路人甲行福榮街睇玩具。

深水埗，真係好多寶架，睇到我地兩個不知幾高興﹗其中一間叫「黃記尋寶城」，係一間夜冷鋪，即係我同路人甲好鍾意行既窮人鋪頭。一行入去就聽到有收音機響度播歌，開頭以為CR2又玩野，播d鬼五馬六既歌，點知，聽清楚，係唱緊尋寶城呀，係老細自己錄架，唱完之後仲要有五種語言(中、英、普、印巴、菲)呼籲顧客唔好掉垃圾呀﹗超頂癮﹗

行吓行吓，行到黑雨，被迫搵地方坐，等雨停，經過路人甲冒雨探路，我地揀左呢間好有特色，d野又好食既「公和」。

豆腐花，真係好滑好香。

間鋪，真係好舊好懷舊﹗

你睇路人甲幾心急係咁食﹗

下次路過都要入黎食吓，d煎釀豆腐都好好食架﹗

大雨等極都唔停，唯有去七仔度買把七號遮，打道回府啦，點知經過Jusco十蚊店，又走入去行。哈哈﹗我地真係好鍾意行Jusco十蚊店架，d野好抵，款式又多，好多都好實用，有d仲好有趣添﹗

響Jusco出完血，真係打道回府喇，可惜大埔道山泥傾瀉，等到恐龍都死晒先有小巴。