未夠七點，成個池已經人山人海，鬼咩，唔洗錢嘛﹗
d婆婆真係得﹗
婆婆Ａ：「你都游到池邊啦，仲洗咩牚腳呀？牚親人呀﹗」
大佬，游蛙式唔牚腳，點游呀？我又未游到埋池邊。
婆婆Ｂ：「你地游水Ｄ手腳洗咩咁大動作架，好易整親人架嘛。」
婆婆Ｃ同婆婆Ｄ響我起勢游既時候，就響我前面不遠處游狗仔式同扮浮標，特點係：唔會前進。我唯有繞道而游啦。
婆婆Ｅ響我好專注游緊既時候，響我後面猛力伸左我個頭一腳，ＸＹＺ＠＄﹪﹠
不過，婆婆Ｆ響更衣室度就好體貼咁提醒我：「你地d靚鞋要收響個櫃度架，有人偷架﹗」
住左大埔咁多年，第一次去公眾游池，真好玩﹗
沒有留言:
張貼留言