話說我好憎Ｄ衫洗完之後俾雨淋濕，原因一黎污穢，二黎前功盡廢，要再洗過，所以逢親陰晴不定，又或者晾左衫要出街時，我都會收番Ｄ衫入簷下，唔會俾佢地繼續同陽光玩遊戲。但係．．．．．．．路人甲就超鍾意Ｄ衫晒完太陽之後果陣香味，於是乎試過幾次佢晾完衫就掛晒出去晒太陽啦，結果，都係淋濕收場。
個幾次，我發晒脾氣，起勢鬧
。話晒俾佢聽我勁唔鍾意，講晒原因，但係佢都係好固執咁堅持，只係我鬧爆佢既時候，佢會唔出聲，唔駁咀，任我鬧﹗
。話晒俾佢聽我勁唔鍾意，講晒原因，但係佢都係好固執咁堅持，只係我鬧爆佢既時候，佢會唔出聲，唔駁咀，任我鬧﹗今日，一起身時，陽光普照，個天係有Ｄ厚雲，但係就非常晒。路人甲好開心咁洗晒Ｄ衫掛晒出去，又拎晒Ｄ地氈上天臺晒。臨出街買野前，我提左佢有黑雲，不過佢話：「我係唔會放棄既﹗」
結果，出左去一個鐘，個天就響呢段時間raining cats and dogs，返到屋企，佢粒聲唔出上左天臺，搞好晒Ｄ野（仲落緊雨架），塊面黑過我隻鑊
。我就無唔開心呀，因為預左啦嘛﹗
。我就無唔開心呀，因為預左啦嘛﹗有時，我地唔係咁容易改變對方既諗法，咁唯有改變自己去遷就下囉﹗既然對方明知自己遇到咁既事時係會好唔開心既，但係都唔肯遷就時，佢未必係唔鍚自己或者唔尊重自己，只係佢都有佢堅持既時候啫，咁咪改變下自己既立場囉﹗嘩﹗對成世架喎﹗
今次咁等佢受下囉﹗哈﹗宜家又陽光普照喇，死未﹗
沒有留言:
張貼留言