![](http://l.yimg.com/mq/i/icon/16/5.gif)
話說我好憎D衫洗完之後俾雨淋濕,原因一黎污穢,二黎前功盡廢,要再洗過,所以逢親陰晴不定,又或者晾左衫要出街時,我都會收番D衫入簷下,唔會俾佢地繼續同陽光玩遊戲。但係.......路人甲就超鍾意D衫晒完太陽之後果陣香味,於是乎試過幾次佢晾完衫就掛晒出去晒太陽啦,結果,都係淋濕收場。![](http://l.yimg.com/mq/i/icon/16/20.gif)
![](http://l.yimg.com/mq/i/icon/16/20.gif)
個幾次,我發晒脾氣,起勢鬧
。話晒俾佢聽我勁唔鍾意,講晒原因,但係佢都係好固執咁堅持,只係我鬧爆佢既時候,佢會唔出聲,唔駁咀,任我鬧﹗
![](http://l.yimg.com/mq/i/icon/16/102.gif)
今日,一起身時,陽光普照,個天係有D厚雲,但係就非常晒。路人甲好開心咁洗晒D衫掛晒出去,又拎晒D地氈上天臺晒。臨出街買野前,我提左佢有黑雲,不過佢話:「我係唔會放棄既﹗」![](http://l.yimg.com/mq/i/icon/16/68.gif)
![](http://l.yimg.com/mq/i/icon/16/68.gif)
結果,出左去一個鐘,個天就響呢段時間raining cats and dogs,返到屋企,佢粒聲唔出上左天臺,搞好晒D野(仲落緊雨架),塊面黑過我隻鑊
。我就無唔開心呀,因為預左啦嘛﹗![](http://l.yimg.com/mq/i/icon/16/10.gif)
![](http://l.yimg.com/mq/i/icon/16/14.gif)
![](http://l.yimg.com/mq/i/icon/16/10.gif)
有時,我地唔係咁容易改變對方既諗法,咁唯有改變自己去遷就下囉﹗既然對方明知自己遇到咁既事時係會好唔開心既,但係都唔肯遷就時,佢未必係唔鍚自己或者唔尊重自己,只係佢都有佢堅持既時候啫,咁咪改變下自己既立場囉﹗嘩﹗對成世架喎﹗
今次咁等佢受下囉﹗哈﹗宜家又陽光普照喇,死未﹗![](http://l.yimg.com/mq/i/icon/16/21.gif)
![](http://l.yimg.com/mq/i/icon/16/21.gif)
沒有留言:
張貼留言