三陪老師

班學生叫我同送潘婷玩七級豬，結果，送潘婷做左七級豬，被屈左十罐汽水（個camp　d　汽水要成七蚊罐呀﹗）

夜晚諗住瞓時，班學生食過番尋味，走黎搵我地玩，結果，玩boom　bang　wah時，雀斑媽媽被屈左七盒布丁（成八蚊盒架﹗）後尾諗住玩pictionary，唔洗輸被學生屈啦，點知雀斑媽媽同送潘婷抽到同一組，雙劍合璧輸到無敵﹗被屈左七杯紅豆冰，一共一舊水。

當班友仔屈得咁上下，就執拾細軟，打道回府，邊行邊話聽朝咁多野食要set個時間表至食得晒﹗兩位miss就梗係啦﹗好彩我呢d反應敏捷，思路清晰既，俾班豺狼屈唔到姐﹗

其實我地都預左俾學生屈架喇，呢種三陪都唔係第一次做啦（佢地兩個），陪玩、陪食、賠錢﹗

更得意既係第二日返到學校開會，我講笑咁話輔導組應該提供應酬費俾老師時，社工竟然好認真咁話可以考慮下點樣俾到呢纇錢過我地﹗社工，你真純品﹗