今日，好刺激，好好玩﹗
路人甲既行山團今日去地心探險，於是我冒死跟埋去，實在超好玩﹗
呢個係入口，真係估佢唔到，呢個只係一個窿，仲要俾水浸住，肥D大隻D都入唔到。
裡面只有好少部分有石屎保護，其餘都係石頭。
已經行到好入喇，1000英尺喇﹗
棄置左既用具同物件。
地心裡面有好多條路，唔識路真係會迷路架，我地都試過唔肯定出口響邊而爬上爬落好幾次架。
一條非常筆直既沙地路，我拉住條繩，又踩唔到穩陣既位，又怕自己企唔穩踢咁舊石落去整親人。落完之後，對手攰到不得了。你睇D人望落去既角度就知條路有幾直啦﹗
地心入面仲有好多「遺物」架﹗
爬完落就梗有爬上架啦﹗爬啦﹗
地心總部，有兩間房。
房入面仲有兩張床。
「遺物」之一。
地心110同240係大道，沿住行會安全D，我地今日除左行呢兩度，仲行過一D「小路」。
「遺物」之一。
又要捐窿喇﹗
「遺物」--杏仁餅罐。
入面成地都係泥同水，仲間唔中有水由頭頂流落黎。
最後一段，長命斜，行到死﹗
完成四小時既地心探險，出黎時仲要爬牆先可以成功返回地面。成個行程既驚險又刺激﹗
你地真係又勇敢又厲害！
回覆刪除[版主回覆02/23/2011 11:54:00]其實我地只係貪玩咋﹗
嘩, 驚唔驚變127小時呀.
回覆刪除[版主回覆02/24/2011 09:21:00]咁多人，唔會啦﹗
好好玩喎，個地洞在邊區、乜名呀? 普通人都可以入嗎? 點解個個都要帶咁多行季? D爬山繩是否要自已 set 的?
回覆刪除[版主回覆02/24/2011 09:30:00]響馬鞍山，無名既，位置響馬鞍山公園附近，其實係唔俾入既，d出入口都幾乎封晒架喇。
有危險架，裡面d石隨時塌架﹗d繩係以前有人入過黎玩留低既，無繩真係行唔到呀，有一兩個位要游繩咁滯架。
多行李係因為要換衫。裡面一路都係泥漿同水，有d位d水高到大脾頂呀﹗