緬甸－－Inle lake（1）

4/4/10，又係坐早機，由Mandalay去Inle lake，點知架機無冷氣，熱到爆，落機時一行出架機仲涼快過響部機裡面。

去Inle lake途中見到當地人騎牛牛。

今次我地住View point hotel，係住Bungalow既，不過，唔好以為好好野，其實係木屋。US15一晚一間房。因為呢度比較凍，所以房裡面無冷氣。（阿豬已經死左喇）

房外平台

呢度係guesthouse既餐廳，呃得吓人架。

餐廳內一景，我篤左個鏡頭入隻杯度影，哈，無聊嘛。

呢支唔係國旗，係佛旗。

老過我既老爺corolla，多得d發達國家既浪費，呢d國家至有車用咋。

安頓好之後，我地決定踩單車。問左guesthouse老細畫個地圖俾我地之後，就心口掛個「勇」字出發喇﹗

我地既目的地係水鄉，Maing Thauk。一路踩一路問人，點知俾個士多老闆娘老點，行過左都唔知，終於踩到去條石仔斜路，踩唔到喇就轉左入去間廟度諗住問路，點知無人識英文，結果兩條友誤打誤撞踩左入條村度。俾屋裡面既女人邀請我地入去坐，佢地好熱情，見我地行入去，佢地拍晒手，好開心。

雖然大家言語上溝通唔到，但大家都好開心。

同佢地say個bye之後，繼續問路繼續踩。

原本踩個半鐘就到既地方，我地搞左三個鐘，終於都到左喇，呢度有一條小型U bein bridge連接住水邊碼頭。

橋邊既水道又係真實既生活寫照。

響橋上見到有幾個細路捉魚，捉到架喎。

水鄉外面都有田地架。

1600，趕住響太陽落山前返到guesthouse附近，所以有景都無影喇。