去Inle lake途中見到當地人騎牛牛。
![](../images/iWfW7.HVpAR_WiS3rSFv1A.jpg)
今次我地住View point hotel,係住Bungalow既,不過,唔好以為好好野,其實係木屋。US15一晚一間房。因為呢度比較凍,所以房裡面無冷氣。(阿豬已經死左喇)
![](../images/VtRrf35rLUHftsyrlLdKUg.jpg)
房外平台
![](../images/en9.mMdi5axhPutfiTzYxA.jpg)
呢度係guesthouse既餐廳,呃得吓人架。
![](../images/y_ySMV80Y.g5ScAI0jmzZA.jpg)
餐廳內一景,我篤左個鏡頭入隻杯度影,哈,無聊嘛。
![](../images/AjG_7Jf4jg9BuaBkrTYcRw.jpg)
呢支唔係國旗,係佛旗。
![](../images/t5XIlpkpj_YlFPKrYm95Rg.jpg)
老過我既老爺corolla,多得d發達國家既浪費,呢d國家至有車用咋。
![](../images/uHDoajCveFBbRxV3a7lQYg.jpg)
安頓好之後,我地決定踩單車。問左guesthouse老細畫個地圖俾我地之後,就心口掛個「勇」字出發喇﹗
我地既目的地係水鄉,Maing Thauk。一路踩一路問人,點知俾個士多老闆娘老點,行過左都唔知,終於踩到去條石仔斜路,踩唔到喇就轉左入去間廟度諗住問路,點知無人識英文,結果兩條友誤打誤撞踩左入條村度。俾屋裡面既女人邀請我地入去坐,佢地好熱情,見我地行入去,佢地拍晒手,好開心。
![](../images/PESDrzithhN1YFbz03Q.7g.jpg)
雖然大家言語上溝通唔到,但大家都好開心。
![](../images/0IEd0JUCNJPGISfMueGPrQ.jpg)
同佢地say個bye之後,繼續問路繼續踩。
![](../images/io4yDHwPVMQBXw2howY9mw.jpg)
原本踩個半鐘就到既地方,我地搞左三個鐘,終於都到左喇,呢度有一條小型U bein bridge連接住水邊碼頭。
![](../images/SQnlZoU66WuVpJrzkIh2IQ.jpg)
橋邊既水道又係真實既生活寫照。
![](../images/vl07PvFNI.AfydCZh5YyeQ.jpg)
![](../images/kkwnxlpZQlCwqDcgo1_4_A.jpg)
![](../images/nNfTL2Ss6Uwxp0vxl2NaPg.jpg)
![](../images/4qo.WanpY.fB2o533fpu0g.jpg)
響橋上見到有幾個細路捉魚,捉到架喎。
![](../images/u_ZineSSw7TUf0mZArqxqw.jpg)
水鄉外面都有田地架。
![](../images/8P5VT72N7JcdWSNQ9K7VbQ.jpg)
![](../images/LwLXtWkckELruzNUOcOu5Q.jpg)
1600,趕住響太陽落山前返到guesthouse附近,所以有景都無影喇。
見到蛇仔突然update得咁快, 搞到我都想快快完成我d寫極都未完的遊記! haa 寫遊記其實係好開心架! 好似再去多次旅行咁!
回覆刪除[版主回覆05/02/2010 18:44:00]我都擺低左成三個幾禮拜至得起心肝寫咋﹗
蛇仔, 我好佩服你!比我更勇呀!!去d咁偏遠的地方。
回覆刪除[版主回覆05/05/2010 08:00:00]呢度非常旅遊區架喇,一d都唔偏遠架,好易去架咋﹗