話說好多個月前唔知睇邊度話有個咩澳門相片收集定係咩鬼攝影比賽，咁我就send張相去啦。
上個月去完旅行返黎，我老豆話有人叫我去攞澳門船票，開頭仲以為係呃人既技倆，點知我老豆話我嬴左唔知咩相比賽，咁我諗諗下至醒起。
尋日終於去左攞船票，原來係「澳門旅遊局香港代表」既office黎既，佢仲話d相會做road show，由28/8開始，響香港幾個商場巡迴展覽，又會印本書仔響展場度派。
哈﹗死喇呢次，因為我send個張係路人甲個樣黎架，佢成日話唔要咁高調，繼上次u magazine之後，今之已經係第二次搞到佢拋頭露面添﹗哈哈﹗
第一次展覽係響中港城，八月廿八、廿九日。有時間去捧吓場啦(我上去攞船票至知，希望唔會記錯啦，上網都search唔到係個咩比賽黎架，哈﹗)
**fit晒，18號同班同事去澳門玩又慳番一筆喇﹗
喂喂喂，邊張相呀?
回覆刪除Post出來看看吧!!!
[版主回覆08/09/2009 22:20:00]以前響澳門影架，有路人甲好大個樣，唔好喇﹗
咁，你得獎嘅原因會唔會因為有路人甲而令到張相更有葡國風味呢？
回覆刪除[版主回覆08/10/2009 09:20:00]如果係因為佢，張相應該好有中東或東南亞風味喎﹗
這次你又話無心之失,意外擺左路人甲上枱,我想你重有第三次,路人甲,我建議你下一次至一次過同阿蛇算數.
回覆刪除[版主回覆08/10/2009 09:27:00]佢敢同我算數？﹗佢淨係識bear住我架咋﹗哈哈﹗
你都幾行得,十個八個鐘對你黎講都係濕濕,但是西加航空接受訪話在香港只是行家樂徑., 吹水!
回覆刪除[版主回覆08/11/2009 10:12:00]係呀，我響香港都係行吓d易行架咋，我有d畏高，連釣魚翁都上唔到，莫講話南蛇尖果d喇，所以去巴基斯坦行山都係好辛苦架，不過，我意志力搭夠，一日十個鐘係極限，絕對唔係濕濕碎架﹗
蛇仔:你寫bolg和回應,用的文字十分精簡,雅俗共賞,還有不要再嚇你身邊那枝Human Stick,他巳從被動轉為全自動,原諒他罷.
回覆刪除[版主回覆08/11/2009 23:18:00]再次多謝你誇獎我，有你呢個blog友，真係日日都開心一野﹗
哈哈﹗全自動human stick售價應該好貴吓，好彩我已經有一支啫﹗