石sir要收工

阿石sir真係勁：

盲都可以教書--有日一朝早，我剛剛出lift，道lift門一打開，就見到阿石sir入黎，仲一腳踩瘀我隻腳，如果唔係我推住佢，佢就成個人撞埋黎架喇，咁我就一早俾佢擁抱完至開工喇撞鬼﹗

虛擬自己未放工--有日我好準時放工，行出校門就見到石sir已經響我前面60米處移動。我以為佢去買野啦，因為佢兩手空空，點知佢一直行去火車站方向，仲入埋閘，上埋月台。原來傳聞係真架：石sir個位響放工時間之後，部電腦仍然開住，個mon仲有野睇，隻水杯仲有好滿既水，枱底仲有個袋響處。最初大家以為佢行開左，但有人試過八點之後，佢個壇仍然擺晒呢個陣，大家估佢其實一早就走左，但係又唔想人地知佢咁早走，就諗條咁既屎橋。

石sir個科要出巻，佢出到死線都未搞掂，整個mind map又map唔係map咁，結果其他同事幫佢畫左個圖，叫佢快Ｄ打好佢。今日，同事問佢搞掂未，

佢話：「未，今日頭三堂都要上堂，做唔到喎。」

同事：「要交喇喎，你明知今朝做唔到就尋晚攞番屋企做啦﹗」

石生：「咁我都要收工架﹗」

哈﹗課外活動又唔帶，巻又唔出，書又教到一督野咁，收得工啦，睇吓出年邊間學校咁唔好彩請到你啦，石sir。