石sir要收工第二集

上回講到石sir話：「咁我都要收工架？﹗」

尋日，係學科展覽前一日，大家都忙住放學生功課落禮堂。石sir係佢果科呢單野既負責人，咁當然啦，佢一定係個唔負責任既負責人啦。放學時，大會負責人見石sir果科咩都未有，call上教員室搵佢，但唔見人，中二科會佢要開，都唔見人。原來佢好負責咁去左當值看留堂班。明知自己要開會都唔搵人調當值，好得。

結果，其他同事幫佢(代佢、頂佢)落禮堂搞展覽啦，係由零開始做起。而且，阿石sir張要預備既野俾晒個教師助理做，仲無話俾人地聽要打d咩，叫人地自己諗下。教師助理唯有周圍搵老師幫手寫d野俾佢打囉﹗

後尾，石sir看完留堂班上留佢個神位時，佢打算拎袋走人，俾同事見到，就喝住佢話其他同事幫緊佢響禮堂做野，叫佢唔好走住，要落去做野。點知佢落到去又唔係幫手，搞下呢搞下路(係搞亂人地做好既野)，d野都未做完晒佢就收工走左喇﹗有病，咁都得﹗

今日，石sir仲未開工，因為佢請左病假，都應該既，佢咁病，應該長請添啦﹗