９０男歡女愛

前一排同事介紹話呢套戲好睇，返去問路人甲，佢話佢睇過，幾好睇，我話我都想睇，於是，幾日後，我家枱面就出現左呢隻碟，係新碟黎架﹗

套戲都唔錯，其實好多人都會好似戲入面Ｄ人咁，識另一半時，可能無諗過係佢，好似我咁，我第一次見路人甲時，我都無諗過會同佢一齊，因為當時我見到既係：嘩﹗個頭好似火星人咁大，腰長腳短，髮線有Ｄ向上移喎﹗但係結果我地好恩愛咁相處左咁耐。

每個人既經歷都唔一樣既，就好似戲入面訪問既人，大家既相識相愛過程其實都可以拍套戲架﹗

成套戲都有Ｄ搞笑位，其中以美琪賴恩響餐廳度扮高潮，笑死我﹗