鬧爆體育組

有同事表示呢個blog已經好耐無寫學校野，好，等我爆一爆先﹗

學校有五條體育友，有n咁多個非體育科同事幫手帶波，體育組d人好似廢嘅一樣。

奧運將至，校內無倒數，無介紹運送火炬路線，無介紹今界比賽城市，至係暗地裡搞左一個「無聲無色迎奧運」，廢組一個。

年資過十嘅體育佬，早會短講，只將人地一百萬人的故事嘅節目內容講一次，其中仲唔識講個「偷」字，只用番佢平時嘅用語--tart，真係唔知佢上堂時會唔會講粗口呢？哈﹗但係咁樣佢都照樣申請升職，職到就真係唔出奇呀，呢度咩唔會發生呀？如果阿林XX做多兩年校長，可能有仔生添呀。

年資過十嘅體育婆，五年升左兩次，快過坐直昇機。今年咩都唔肯做，但係又話申請升職，良心何在？不過，佢可能以為自己已經做左好多都唔奇。但係佢竟然同我一齊夠鐘就走，呢吓我覺得我唔抵囉，大佬，佢多我半份糧，都可以咁早走，咁我係咪應該好似佢地咁，唔怕面懵，走去申請升職呢？﹗哈﹗閒人至會咁早走架，但係閒人又有得升職？sir，我唔係好明白個關係，sir。

一個組，五條友，咩波都無贏過，連學界d老友都同我講，我地學校d波真係唔掂。鬼咩，得個兩個後生仔教吓波，連阿彩虹小姐都教少左好多波啦，咩都外判，又唔理，又唔train。尤其是樓上講過個兩位，我就真係唔見佢地教波喇。奇景就見過，四條友(已連一個miss)，開個網打吓羽毛球，已經係課外活動喇。究竟老細係咪真係唔知架呢？提一提，見到有咩學界羽毛球比賽我地有獎攞，唔關阿miss事呀，係個學生本身係港隊青年軍咋。(上次學界比賽，個miss咪剩係帶左呢個學生去比賽囉，真係辛苦佢喇﹗)