後生仔惹我發火

其實，我早於上星期已忍不住向H發火了：

事源我們班有學生打細路交，被訓導老師罰了在教員室外，他問了學生發生什麼事(我相信是馬虎地問，因為他根本不知學生發生了什麼事)，然後到教員室告訴我。當時我剛接到訓導主任的消息，打算去了解一下：

H：「學生打交喎，你知嗎？」

我：「我宜家就係想出去睇下佢地。」

H：「d學生話好小事。」

我：「你信唔信呀？」

H：「我又唔係好信呀。」

我：「係囉，所以要出去了解清楚啦﹗」

H：「係啦，係啦。」然後返回自己位工作。

當我問完又安慰完學生，返回教員室準備打電話給學生家長時，我看到H正在吃午飯，我再望一望我那個只讓我吃了兩口便遺棄在桌上放涼的飯盒，我頭頂已有少許冒煙了。結果我獨自通知了所有家長。

第二天，訓導主任告訴我其中一個學生被記小過，於是我告訴H，然後在放學的時間通知該學生的家長。不幸地，這家長超煩，罵了足足十五分鐘才肯掛線。這時，H出現了：

我：「我打了電話給X學生的家長了。」

H：「吓，點解又打呀？咩事呀？」

我：「記小過呀，今朝已經講過你知啦，記小過要通知家長呀﹗」

H：「呀，唔係喎，發生事當日就要立即通知家長啦﹗」

我：「我通知左啦﹗」

H：「唔係，唔係頭先打果個電話喎，尋日就應該打架喇﹗」

我：「我打左喇，所有家長我尋日都通知左喇，你知道要打電話，點解你唔打嘅？」

H笑著回答：「我趕唔切呀﹗」

我：「我又好得閒呀？我尋日忙到甩轆呀﹗我唔想再同你講野，你同我消失。」

此時，我豈止冒煙，簡直是著了火。最不幸的，我知他並非「玩野」，他就是這樣上班的一個老師。我不要求他做的事，他很少主動去做，而且，他亦是一個沒帶腦袋上班的老師，否則，他便是一個假裝成年人的六歲小童。

真的希望他是「玩野」，這樣我可以跟副校投訴，免得日後有鑊我要一齊受呀﹗

天呀﹗人間慘劇呀﹗幾時先暑假呀？