之前一晚太早瞓，今朝四點幾就醒左喇﹗
八點幾響hostel(residential munaylwasi)食左個好典型既早餐，即係包、jam、包同埋jam。
十點，pack好行李，放響hostel，就出發戈坐巴士，目的地係Huacas del Sol y de la Luna，即係太陽廟同月亮廟。但可能修路，點都揾唔到個巴士站，d路人又各有各既講法，結果都係坐的士去。
太陽廟要維修，所以只可以參觀月亮廟同旁邊既博物館。
呢度係博物館出面
行左博物館大概一個鐘，下午一點，參觀月亮廟，係一定要跟tour guide既。
呢d就係好似我地d廟捐磚瓦咁，係市民捐出黎既，上面d圖案同埋窿窿就係化表係邊家人捐出黎架喇﹗而呢度真係需要大量既磚架。
遺址裡面仲保存住一d好靚既圖案，真係好靚，但呢度仲未係世界文化遺產喎﹗
呢兩位響我地未行到出黎戶外之前唔知響度企左幾耐呢，佢地係表演樂器俾我地睇架，但唔會問我地收錢。
呢個遺址係好似一個盒蓋蓋住叧一個盒蓋咁，一 層一層咁，裡面係最舊既廟，愈建愈高，愈建愈闊。
對面呢堆泥就係太陽廟，應該係無月亮廟咁精緻既。
兩點半，坐小巴出返去市區，見到呢d瓜，本來唔知係咩，無諗住買，但我見個女人好似響個手袋度攞d野出黎放落個口度咁，響我眼望望加友善既笑容之下，企響檔口食緊呢種瓜既女人竟然離遠叫我埋去，請我地食。好清甜，幾好食﹗
我地去到市中心，先去左一間banker 既casona（大屋），有守衛把守架，其實我地係見佢幾靚，問吓入唔入得去參觀，點知得喎，仲係免費架﹗
之後，我地兩條友就四圍行，呢度好靚架。
行到去一間唔知咩既屋，見到個門面鬼咁靚，又行入去睇吓，原來係間成人職業先修學校。
之後又去左church，其實無咩特別。
行吓行吓，又行返去呢間舊屋(casa ganoza chopitea)，響門口見到有個男人，我地又上前搭訕，原來佢就係呢間屋既主人既細佬，宜家呢度做左cafe，佢負責打理。佢好好人，又帶我地周圍行，仲介紹吓咁，之後任得我地周圍影，真好人﹗
行完之後，我地本來去緊揾尋日坐車路經見到既一道圍牆，上面有好多好多馬賽克，好靚架，但響未揾到之前（後來先知道我地原來已經差不多行到架喇﹗），突然見到好大既一個太陽。我地原先諗住今日咁陰天，唔會有機會見到日落，但係響呢個時刻，我地好快做左一個決定，就係截架的士去海邊睇日落。真係未試過咁樣追日落，雖然唔係太成功，但都好搞笑﹗
以上既相都係響的士上面影架，去到已經落晒喇﹗只能夠影到下面呢d相。
之後，出返去hostel攞返行李，
坐夜車返去Lima，等其他既朋友仔黎喇﹗
温馨提示：
1 Huacas del Sol y de la Luna 入場費13sol
兩點半，坐小巴出返去市區，見到呢d瓜，本來唔知係咩，無諗住買，但我見個女人好似響個手袋度攞d野出黎放落個口度咁，響我眼望望加友善既笑容之下，企響檔口食緊呢種瓜既女人竟然離遠叫我埋去，請我地食。好清甜，幾好食﹗
我地去到市中心，先去左一間banker 既casona（大屋），有守衛把守架，其實我地係見佢幾靚，問吓入唔入得去參觀，點知得喎，仲係免費架﹗
之後，我地兩條友就四圍行，呢度好靚架。
行到去一間唔知咩既屋，見到個門面鬼咁靚，又行入去睇吓，原來係間成人職業先修學校。
之後又去左church，其實無咩特別。
行吓行吓，又行返去呢間舊屋(casa ganoza chopitea)，響門口見到有個男人，我地又上前搭訕，原來佢就係呢間屋既主人既細佬，宜家呢度做左cafe，佢負責打理。佢好好人，又帶我地周圍行，仲介紹吓咁，之後任得我地周圍影，真好人﹗
行完之後，我地本來去緊揾尋日坐車路經見到既一道圍牆，上面有好多好多馬賽克，好靚架，但響未揾到之前（後來先知道我地原來已經差不多行到架喇﹗），突然見到好大既一個太陽。我地原先諗住今日咁陰天，唔會有機會見到日落，但係響呢個時刻，我地好快做左一個決定，就係截架的士去海邊睇日落。真係未試過咁樣追日落，雖然唔係太成功，但都好搞笑﹗
以上既相都係響的士上面影架，去到已經落晒喇﹗只能夠影到下面呢d相。
之後，出返去hostel攞返行李，
坐夜車返去Lima，等其他既朋友仔黎喇﹗
温馨提示：
1 Huacas del Sol y de la Luna 入場費13sol
沒有留言:
張貼留言