可能係高原反應既原因,今日開始不時都有肚疴既問題出現,好彩唔係太嚴重。
一早起床就疴左一大輪,九點響hostel食早餐,傾下計,執下野,成班友好似無咩意欲外出咁,結果成一點半至出去行下。
今日咁晏至出動,破晒我既紀錄。
今日要做既三大目標:
1. 買去machupicchu既火車來回票
2. 買Cusco既景點套票
3. 去旅行社俾埋行inca trail既尾數
由hostel行去舊城區時見到呢個小妹妹,咁細個要睇檔?唔係,阿媽睇檔,佢睇阿媽。
![DSC_6585](../images/Z.6rBksyLvAAAeIVa3tUWg.jpg)
呢隻果叫aguaje,對女人好有益,但好難食,好臭。
![DSC_6589](../images/L2nj1xVJ9vdOMUbVTt57lg.jpg)
炸香蕉,正﹗
![DSC_6590](../images/8A5m5fhL.ueDo7mnpi4pPg.jpg)
響plaza mayor望上山,一山都係屋。
![DSC_6600](../images/0CxBpi4G59RlxgTgiU6UeQ.jpg)
![DSC_6661](../images/oH9Uz3NbprJssq3rsQqtvQ.jpg)
呢種好似電車既車係旅遊車,帶你去城內既景點,我地無坐,唔知去邊幾個景點呢﹗
![DSC_6602](../images/54wvh8O7IDY6bOaB55LE8g.jpg)
plaza mayor既catedral
![DSC_6628](../images/SzFd5QTYHR4vxnf9SmMCCw.jpg)
市內有好多呢d人,我地影佢,佢就會收返1-2sol,咁有興趣就影吓啦,佢唔係呃錢既﹗
![DSC_6681](../images/bn36UwZ1hJAjXfdHPSecqg.jpg)
今日響街度行既時候,見到有張poster話可以免費教跳salsa,所以打算夜晚去睇睇,於是就早少少食晚餐。
今晚呢餐算食得豪:
本來想飲pisco sour,但見有其他既飲品,試左呢隻酒先,唔記得左個名,但幾好飲。
![DSC_6718](../images/pwtUMDo.rKx3s.kfDtSAPg.jpg)
沙律
![DSC_6719](../images/Jy41bUg18RZee951qKDlTQ.jpg)
湯
![DSC_6721](../images/L1UdwG6Y0JIjof_0Qq4qQg.jpg)
都係湯
![DSC_6722](../images/skyTX4NRqWAui6_c8hJm5Q.jpg)
雞
![DSC_6724](../images/lvNb0ypAluIKz2ccaI.OXQ.jpg)
魚生
![DSC_6725](../images/jMfbA4XHgE_QoQjpZR1waw.jpg)
天竺鼠,其實似燒鵝
![DSC_6727](../images/rxdiWf1T3d4GYIJ4h_HkSw.jpg)
食完就去揾間跳舞學校,哈哈,去到至知原來係pub黎架,但係只要買杯野飲,就會有人教我地跳salsa。我地去到時可能只係九點,太早,場內係無人架,但後來跳跳吓又有一班當地既後生仔入黎跳,成個場都好正派,跳得好放心,跳到十一點幾至行返hostel。
![DSC_6756](../images/Vt.XCcharyEO.gBn9okiig.jpg)
我個老師呀﹗salsa真係會跳到頭暈架﹗
![DSC_6806](../images/ec1vrjmNC6NYPEXaDq6S2g.jpg)
夜晚既plaza mayor,幾靚架﹗
![DSC_6740](../images/Ijqlxj85gRAA.PEzp6irgA.jpg)
温馨提示:
1. 去machupicchu既火車來回票 (Peru Railway) USD80
2. Cusco既景點套票 130sol
3. 行inca trail全費 USD583
沒有留言:
張貼留言