今日我著左套黑色連身直身裙，本來係好優雅既，但係今朝集隊，一去到我班隊伍時，學生跳舞N就大大聲咁：「嘩﹗扒王之王侍應生呀﹗」
學生肥M：「嘩﹗Miss你人工高唔高呀？」
我費事鬧鬼佢地：「侍應生邊有咁貴既制服著呀﹗企好啦﹗」
之後，兩個就不停咁：「橙汁吖唔該﹗」
大庭廣眾，我就：「聽宣佈啦﹗」
之後，兩個繼續，結果俾路過既阿sir鬧左一餐。我只能夠向佢地講一聲：「抵死﹗」
上中文堂喇，我起勢講書，講講吓，學生跳舞N舉手：「點解我杯橙汁咁耐既？」
我
，無氣鬧，唯有怒啤佢﹗
，無氣鬧，唯有怒啤佢﹗同事聲完發問：「點解佢地會咁對你既，我唔相信有學生夠膽咁樣同你講野。」
事實係：開學到宜家我都未真正鬧過佢地，大聲d都少呀﹗呢班友仔都係時候同佢地開吓斎喇﹗未死過﹗
原來老師有很多趣事啊！我的志願也是想做一個中文老師呢！不過那兩個同學也太不尊敬老師了，竟拿老師的衣服開玩笑！
回覆刪除[版主回覆11/27/2011 22:34:49]玩下都無所謂，過分就唔可以喇!
做中學老師壓力大嗎？不過間中有點和學生笑一下都無妨，只要不過火就可以！老師您加油啊！
回覆刪除[版主回覆11/27/2011 22:36:13]壓力大，你未入行的話，改過你的「我的志願」啦!