面書：罰你就係衰人，唔罰唔鬧，大家hehe哈哈就係好老師，大佬，罰你都要時間同精神架，我做咩犯賤呢？自己又辛苦，學生又覺得你衰，仲俾說話你聽﹗交吓行貨咪算囉，人心當狗肺......
回應：呢細路係咁架啦，唔鬧佢既就係好人，尤其是新一代，又唔話得，又唔鬧得，又唔識得尊重人，咩嘢都以為自己啱哂！
面書：做左野既老師就乞人憎，唔做野個d就得人鍾意，搞到宜家d學生無大無細，無責任感，無承擔，無禮貌，無是無非，無自省，無交帶，只有任意莽為﹗我收佢份功課收左三日都收唔到，留堂抄野，係我多餘；補默補測，係我煩；留書要罰抄，係我衰；咩都係老師唔啱，仲要俾說話我聽﹗我就快講粗口「媽」爆佢地架喇﹗
回應：依家D細路..太多資訊喇...好識同你講權利，但唔識咩叫義務！咩都淨係識取得最大利益，但就唔知背後o既付出，真係好人都激壞呀..
你算好野架喇！如果我做老師，可能開學頭一個星期就已經變為殺人犯！
回應：好多大人／新聞／媒體都不停話俾後生聽如何搵快錢；邊個邊個炒乜炒物短期獲利幾多倍。好自然後生都會發現原來急功近利先係“正途”／“出路”，又點會覺得需要付出呢！！ 可悲！！
面書：我都驚我有日會打巴佢地呀﹗
我都開始懷疑「做野係唔需要付出」係啱架﹗以為對住d細佬唔同對住d大人，你俾個心出黎，佢地會知道你對佢好，但係，原來，宜家d細路十二三歲就已經係大人黎架喇，仲會用你對佢好既野黎「嘲諷」吓你，你嬲咩？﹗佢仲開心。我嬲唔出，只係覺得有d心淡囉﹗連細路都係咁，呢度真係社會既縮影﹗何處有烏托邦？
結論：唔做，慳番﹗
F
回覆刪除