中六都係咁樣...........唉﹗

話說，學會搞左個outing，係睇烹飪示範，響招收會員之前已經話明星期六會有d咁既活動，出席唔到就唔好入會。

好喇，outing前，發通告，詳細講左內容，話明係睇示範，無得整既。結果，十萬日後都未收齊通告，有幾個中六學生就話去唔到，當然啦，實情係無得玩斎睇就唔去囉，然後有幾個響星期五放學先黎同我講去唔到，原因係要去補習，咁我當然鬧鬼佢啦，咁遲先講，我邊度搵人代佢地個位去呀，人數報晒，呢個唔去果個唔去，我自己去呀？﹗

好喇，到星期六喇，我約佢地08:45，佢地得三個人準時，其他遲到既一黎慢條斯理咁黎啦，二黎道歉都無一句，結果等到09:10至出發。

出發喇，仲慢慢行，我地個活動係十點開始既，當日地鐵又有d問題，十點，我地仲響金鐘，話俾佢地知要行快d喇，遲左好多喇，佢地哦左一聲，行快左十步，就繼續用行街既速度。

終於到左目的地既地鐵站喇，響出發時我已經交帶左萬一失散左就響XX地鐵站A出口等。行行吓，又有幾個行左去B出口，我睇住隻錶，真係我急佢唔急呀﹗好喇，千辛萬苦等齊人喇，行到去附近喇，佢地連過馬路就黎俾車車死呀，都唔會行快一步架，仲要慢慢好有儀態咁行。

最後，我地遲左25分鐘，我係咁同個主辦機構既職員道歉，真係超樣衰呀﹗

中六喇，唔好彩，出左黎做野喇，仲以為自己可以好不負責任，我真係對呢d社會未來既主人翁擔心呀﹗