秋天到‧行山好

秋天最好就係行山，不過香港既秋天愈黎愈熱，所以，呢個星期六下晝三點半至出發，由鰂魚涌健康村行去灣仔合和大廈，全程大約十三四公里，行左五個鐘。

一開波就黎個幾百級樓梯熱身，行到我呢......呢度只係其中一段咋﹗

呢度係另一段，今次有成十幾個朋友仔一齊行呀，好熱鬧﹗

下面係北角百福花園。

遠眺九龍東。

上到畢拿山喇﹗

黃昏日落好靚﹗可惜有d煙霞。

煙霞中的灣仔。

跑馬地夜景。

行到去灣仔，一個唔覺意走左入去呢間就快結業既「龍門大酒樓」食飯。上次我黎食晏都好ok架，今次呢餐就真係麻麻地喇，可以稱得上「唔好食」，都唔知係咪唔做，無心戀戰呢﹗

行餐飽，回家去，星期日再戰船河﹗

今日，星期一，好精神，因為星期五放工游左廿個塘，呢日行左五個鐘山，星期日船河，推住坐響橡皮艇既雀斑媽媽同埋佢個BB游埋沙灘，仲響沙灘玩衝浪同打排球，運動量應該足以令我個腦釋放好多胺多酚，夠晒開心﹗