終於停課，比我估計早左，但係......真係淨係停課咋，即係學生唔洗返，老師繼續返工，返到七月十三號。
返黎做咩？我都唔知，仲要一點俾你出去食飯食到兩點半，四點至准放工。
我對於一d make sense既野好支持架，但係對於一d唔make sense既野又無得反抗，我心裡面一定係咁串字(例如：till, diu......註：老師都係人，呢d野個心諗下都得掛﹗)。
其實，如果有野未做晒既話，我相信老師一定會自動自覺返黎完成埋佢至放暑假，因為我相信我既同事都係專業既，有職業操守既，可惜.....只係有人無咁樣諗過我地，真遺憾﹗
每日返工唔知做mug東，我相信連九月要做既野，放暑假前就已經可以做晒喇﹗....呀﹗唔得，人地係都要八月至話你知教咩班教咩科，老師又可以響空檔時為未來既學年預備d咩呢？﹗可能係一個桔﹗﹗﹗﹗
站於僱主立場，他沒有不對。出糧給你，當然要你做番夠本。你養隻貓，都唔想佢成日走咗去啦，主人幾無面呀！ 不過從管理的角度睇，呢間學校d管理層能力好低，類似一部IBM286，好垃圾。
回覆刪除[版主回覆06/25/2009 09:04:00]講啱晒﹗
當年沙士，官校都係一樣，停課不停工，老師照常返工，返去做咩？開會囉，開完校務會，開科務會，跟住再開分級分科會，總之諗得到既會都要開，仲有就係搞啲無聊既教師專業發展之類。
回覆刪除而家市道唔好，係咁架啦，以前紅雨，啲學生唔使返，老師都唔使返，後嚟俾人投訴，於是紅雨就一樣照返工囉！
儲多兩年錢，辭工嚟我度嘆世界啦！日日行行企企，去吓呢度玩，去吓嗰度玩，得閒做吓兼職，幾好吖！
[版主回覆06/25/2009 09:11:00]官校都話有長糧呀，津校咩都無，但係返工返到以為自己返緊官校個下頂癮嘛﹗
我都諗住會過黎住下，玩晒個歐洲至返香港，你唔好咁快移民黎香港呀，我諗你個兩隻小魔怪讀U時，你會好得閒，咁就可以同我一齊周圍去喇﹗要等多幾多年呢？