舊年去完巴基斯坦就去左葵涌屏富徑食地道巴國野，估唔到今晚又攞住個電視遙控search緊有咩睇時，亞記有個「街頭風景」，於是睇下啦，原來係講住響葵涌屏富徑既巴基斯坦人。有時咩都要講緣份架，連睇電視都係﹗
呢條街好短好細，但係就聚居左一大班巴基斯坦人，成個小巴國一樣。節目裡面訪問左我地去食巴國野既穆斯林餐廳既老闆同伙計，又訪問左我地當日幫襯過既巴國雜貨店老闆（我仲認得佢地架）。
其中內容講到「歧視」，好奇怪既係巴藉朋友都唔覺香港人歧視佢地，連工資特別低、知道佢地係巴國人就唔請，佢地都唔覺得香港人歧視佢地，我都話巴國朋友心理質素好好架啦，反而訪問香港人，我地就話有歧視情況。有位阿姐（仍響個間餐廳幫手既，我上次去食野時，仲以為佢係老闆娘添）講得好啱呀：香港人時時都歧視架啦，連自己香港人都歧視香港人，高學歷既歧視低學歷既﹗唉﹗人幾時先會平等呢﹗
有興趣去食就真 ！
回覆刪除[版主回覆06/28/2009 09:53:00]去啦，真係好地道架，同我響巴國食個d一樣。
呢條街係邊頭架?
回覆刪除[版主回覆06/29/2009 18:16:00]葵涌屏富街響工廠區個邊。