今日返到學校，見到九成既同事都著左黑色衫，細問之下原來係有人發起要挽留某同事，要求其他同事著黑色衫。
著黑色衫？背後理念我唔明白，亦唔好深究，我淨係知無任何人(發起人/負責通知同事既人)通知過我(我相信我d好朋友同事係以為有人通知左我而無話我知)。
我今日一返到教員室，同事即係叫我你求奇搵件黑色衫著啦﹗我當時既答案係：「我唔會理佢架。」點解？既然無人通知我，即係唔需要我咁做啦，人地唔要我玩呢個遊戲，我點解要做幫凶呀？而且，我尊重呢位辭職既同事既決定，點解宜家要好似要脅佢咁唧﹗
後來，知道原來有人認為我唔會著黑色衫，所以唔通知我。我唔知點解佢可以幫我做決定，如果係認為上次我同辭職同事既誤會既話，我可以話佢知，一件事還一件事，佢地真係咁諗我就實在太幼稚喇﹗
今日九成既同事都著左黑色衫，咁我無著，d唔知情既同事唔知會唔會以為我又試唔合作呢？唔知會唔會以為我好唔妥個位辭職既同事呢？雖然我一直都唔認為人言可畏，雖然就算有人通知我，我都未必會著黑色衫，但係，如果有人通知我既話，起碼係我選擇俾人覺得我唔合作，係我選擇俾人以為我好想辭職既同事離開，係我選擇俾人覺得我唔妥個位辭職同事.........，但宜家係我監生俾人屈左﹗
當大部分人都知發生咩事既時候，我唔覺得俾人isolate就假既﹗你話呢d咁既環境仲點可以好開心咁留低呀？﹗
我等，等到應該走既時候，我會頭也不回﹗
有人o既地方就有是非, 就有政治, 中國人尤甚, 稍為有讀歷史都知.
回覆刪除無需要糾纏o係呢d無謂野之中, 養好身子, 义夠電, 去做些令自己快樂的事, 玩個痛快吧. Let's Fly!
[版主回覆06/11/2009 14:25:00]yes, let them cry, let's fly!
到處烏雅一樣黑,去到邊都有是非、有小圈子、有小人, 以前我公司的電腦有張post-tip,寫住'天下事豈能盡如人意,但求無愧於心',有屈悶時見到就會有心靈安慰
回覆刪除[版主回覆06/12/2009 22:17:00]多謝你﹗一個素未謀面既朋友都識安慰下我，有d人共事十幾年仲慌你唔死，人之患，真係無錯，病患既患﹗
你自己隔離了一天，現在好點兒嗎？
回覆刪除好好休息！
[版主回覆06/12/2009 22:20:00]我係勁傷風，食左我一唔妥就會食既成藥，再加自然療法（勁瞓、勁飲水、勁食奇異果同橙），已經好左好多喇﹗多謝關心﹗
陳一講得岩架,學下佢啦 共事十幾年？儍啦,你試過比你自己認為可交心,可傾訴的人出賣未？呢個世界無真心的朋友,亦無永遠的敵人, 記住,誰個背後無人說,那個人前不說人,平常心啦, 你病左呀,保重呀,我唔想系電視的渡假屋見到你出現,哈哈,開心番啦
回覆刪除[版主回覆06/13/2009 17:05:00]我唔想系電視的渡假屋見到你出現,
多謝多謝﹗收到晒﹗