奇人奇語

今日開左個「大石壓死蟹」嘅會，本來我唔鍾意咁高調，開呢d會通常都唔出聲架，但係個會個主持人真係實在太過份：講大話、扯貓尾、唔尊重同事、要求同事做唔願意嘅事、夾硬俾位d賤精上......，於是我都忍唔住口發言。但係，又點吖，佢係你老細，你一係唔做，一係唔好理佢囉。我又唔會咁傻為d無謂人而唔做，結果我都係保持一貫嘅作風---你有你賤，我睬你都傻。基督徒我就見唔少，賤成咁嘅，都睇怕唔會有喇，佢仲周圍話俾人知自己係基督徒，又引用聖經，又成日話什麼仁義道德，其實最無果個係佢﹗

唉，等我記低今日精句，等自己開心吓啦：

開會期間，有人提出話老細之前無講過某句說話，老細發現自己無辦法再兜，就話：「我當時無講啫，但係我心意係咁諗呀﹗」

我發現我當時嘅生理反應真係好大，無論口、耳窿、鼻窿甚或係坐住嘅地方都同一時間發出好大但又無人聽到嘅「啤」一聲。

唉﹗唔通真係「國之將亡，必有妖孽」?!