第三天，番紅花城

補充：尋晚張床真係好舒服，未試過hostel既床係咁舒服架﹗不過，清晨五點就俾宣禱誦嘈醒，真係好眼瞓。

平時清真寺只有四支宣禮塔，但blue mosque就有六支，原因好似係國王叫阿建築師(mehmet，佢係著名建築師sinan得意門生)建「黃金的」清真寺，但係mehmet聽錯，以為叫佢起座「六根的」清真寺，結果，就成就左呢間全世界唯一得佢有六支宣禮塔既清真寺喇﹗

信奉伊斯蘭教既人一般每日祈禱五次，而宣禮塔亦會廣播五次，無論佢地做緊咩野，都會停一停，拜神先。如果附近有清真寺既話，就會趕去清真寺，都幾神心架﹗

間唔中都會見到呢D著晒阿拉伯王子衫既小朋友，其實佢地剛剛參加完伊斯蘭教既割禮。去完清真寺祈福，就會去做手術。

水宮其實唔係宮殿，只係用黎儲水，呢支最特別，因為其他柱都無花紋，而只有佢有樹紋同孔雀眼花紋，形狀似眼淚，所以又叫做「淚柱」。

24/4/2011，星期日，陰，第三天

safranbulo，番紅花城，一個好有歐洲小鎮feel既山城，而且歷史悠久，以前呢度係重要既貿易站，當地人十分有錢，響城中有一間屋，城外又有一間屋，好似宜家D有錢佬咁，而呢度絕大部分都係鄂圖曼時期遺留落黎既建築，非常完整，係世界遺產黎架。可惜陰天。

我地坐完一晚通宵巴士，響新城區一落車，成條街根本無人，於是響街度跳完一輪至起程行去古城區，1.7公里，我地行左成個幾鐘，八點至見到呢間土耳其浴室。雖然佢係16世紀既產物，但係仲用緊架﹗本來我好想入去試一試，可惜我地呢日「慢遊」，結果趕唔切，唯有等下一站啦﹗(之後試左兩次，遲D講，好搞笑架﹗)

其實，呢日無咩特別節目，主要行吓舊街，非常hea，參觀左呢間kaymakamlar house，係一間上校既屋企，入場費2.5里拉，見識吓鄂圖曼人既屋係點先﹗

然後，又去左圖中黃色果座，響呢區，佢係比較新既建築物，就係政府大樓喇﹗其實佢都係博物館，收費3里拉。

街上面既茶檔都係碳燒咖啡既﹗

今日第一日遇上熱情既土耳其男人，就係打鐵伯伯，為左蝕少d，走為上著。

1630，搭小巴(1里拉)返回新城區，買吓食吓，1730又上車去下一站：ankara。

2050到左ankara既車站，車站好大，但係d人好好，一個 又一個咁幫我地，終於搵到啱既車出市區，架車仲係免費添架﹗

*巴士往ankara：20里拉