生日．切蛋糕

年紀大，就無咩野再好慶祝，只係普普通通咁過左個生日就算喇﹗不過，之前路人甲話約朋友黎屋企坐，d朋友提議話3月6號，佢就話唔好唔好，我以為佢有咩野搞作啦，點知最後佢話我聽：「我果日要返工呀﹗」哈﹗頂癮﹗

咁我就一條友去電左個負離子、焗油、剪髮，坐足四個鐘，睇左呢年會睇既八卦雜誌份量。

跟住去攞左個路人甲預定左既蛋糕返阿David哥屋企切。

美心d蛋糕愈來愈得。

阿細佬個仔獻上口水吻一個。

你睇佢個樣幾鬼馬，真係好得意架﹗

David哥同佢粒孫同我影番張相先﹗

呢晚，阿姐夫見d工人捧d餸出黎：「嘩﹗唔係呀嘛，咁多餸，做節都無咁多喎，有無搞錯呀﹗」

我當然會答佢啦：「咩呀，唔抵得呀？﹗」

多謝所有捧場既屋企人，所有記得我生日既朋友（可能無祝我生日快樂），所有祝左我生日快樂既朋友，我會響呢個生月玩多幾野架喇﹗