響facebook見到朋友仔去完印度，佢同行既朋友仔放左d相上去，我睇完之後同我個朋友仔講，覺得佢個朋友影人影得唔錯，黑白相果然有道助力。我個朋友仔話呢個同行朋友十二日影左萬幾張相，嘩﹗
每個人既旅遊目的都唔同，不過我就唔係幾認同去旅行狂影相。我個人覺得去到景點係要用對眼去欣賞，用對耳去享受，用皮膚去感受，用嗅覺去記憶既，如果只係狂拍，就會忽略左其他野，而且，影相係要通過思想先至可以按個快門既，亂影，總有一張似樣既相出到黎架，不過，佢根本就係影相既人亂踫亂撞咁得番黎既，無左種「得到」既感覺。
如果以前，有人狂影而到得一張靚相，我會話「佢真有錢」；如果宜家，有人狂影而得到一張靚相，我會話「佢技術好屎」。
哈﹗可能我得罪緊你，不過其實我係唔識影相架，he﹗
科技進步、數碼化係一種進步。但係另一面又係一個退步，好多人如依位人兄狂影搏一張靚相，完全無深思熟慮好好去享受攝影。另外一批人又只會附和“柴娃娃”，人地貼乜相都話：“好靚呀ching”，咁樣唔會進步因為大家都會好好討論構圖、採光...重有第三類“器材先決”，用C牌或者N牌就一影到好相，功力大增10倍！人家唔用依D器材就相都唔駛睇就一定唔係好相! (無聊借人個blog發表偉論添! )
回覆刪除[版主回覆03/02/2010 10:59:00]同意啦，多謝補充﹗