神奇的遺物

話說nana姐辭職走左，但係就一d責任心都無，中四d分未入晒，學生功課未派晒，自己d遺物完全唔理，暑假duty無履行，練習無出到......，一句講晒，一走了之，真係唔知咩人黎既﹗

早響開學前，已經有同事好好咁幫佢執左張枱，因為新同事黎到時，nana姐都無返過黎執野。今日，同事發現佢仲有幾箱遺物，於是逐張睇係唔係學生d野，可唔可以登分，結果......

我地搵到佢既年薪酬表、報稅表、同事既請帖(裡面仲有餅卡)、教師證明文件......唉﹗連呢d咁緊要既野都唔返黎攞番，究竟nana姐係個咩人呢？神奇女俠？

宜家d後生仔後生女，我真係唔知佢地響度做緊咩，做野可以做到亂晒龍，而且，大多數都好識得扮好有紋路咁做野，呃d天真既高層，唔知佢地係咪咁樣呃個學位返黎架呢？﹗

講真，我就無同nana姐有咩合作機會，不過，只係開過一次會，我已經唔like呢位同事，果然，我千年蛇妖，道行有番咁上下，一睇就知龍與鳳﹗哈﹗(寫咁多野黎原來係想讚自己，死未﹗)