宜家d細路，真係唔知佢地係用咩野語言溝通，我真係同佢地溝通唔到呀﹗
我叫個中二學生去買40片麵包，佢夠膽買80片番黎，我問佢點解啦，佢竟然話以為叫佢個組每人買40片(一組兩個人)。救命呀，我講左係幫全班買，係俾張shopping list佢地個組，佢地就自己決定邊個去買邊樣，唉﹗有好多麵包仲係即日夠期添呀﹗
然後，第二班去買罐裝吞拿魚，已經俾埋個罐佢睇，好衰唔衰，個兩罐係95克既，我叫佢地買既份量係全班大約200克左右，如果係大罐既，自己睇吓個重量，唔一定買兩罐。結果，佢買左兩罐180克既番黎，唉﹗斎講聽唔明，俾埋個sample佢睇，都係唔明，點呀？
真救命
回覆刪除[版主回覆09/30/2009 16:21:00]所以要諗辦法自救囉﹗
唉....連中四都係咁啦！
回覆刪除我叫兩個同學去我簿架拎返佢地中文書每一個單元既頁冊上黎，點知個兩個學生拎左基礎能力訓練冊同file上黎。三選二都唔中，你話係咪嘔血。
[版主回覆10/01/2009 12:44:00]我個次叫兩個學生上圖書館攞圖書咪一樣，我已經驚佢地攞錯，特登之前自己上圖書館將d書搬上枱面，同佢地講：「你地上圖書館，有一箱書放響枱面，叫xxx，你成箱攞黎課室啦。」後來，圖書館主任話佢地上到去唔知想做咩，講又講唔清，問佢地又唔識答。結果搞左半堂至攞到箱啱既上黎。
我諗叫峯峯去都應該唔會攞/買錯!!
回覆刪除[版主回覆10/02/2009 16:34:00]峰峰直頭醒過佢地啦﹗