不可思意的寓言故事

響工作既地方知道以下呢個不可思意既寓言故事：

有一日，中年男人帶左個女朋友返屋企，女朋友就問男人個老豆：「世伯，我地諗住結婚喇，你意下如何呀？」

老伯：「好呀好呀﹗ok啦﹗」

女朋友就好開心咁去買嫁妝啦，點解咁開心？梗係啦，女朋友一早就預左自己嫁唔出，宜家有人要，簡直係喜出望外啦﹗第一時間去買晒所有嫁妝，等嫁喇﹗

有一日，老伯突然叫中年男人去相睇，女朋友知道左就去問明老伯啦，老伯竟然反口：「哦﹗我幾時應承你呀，我話諗下之嘛，從來無話過批准阿仔娶你喎﹗」

女朋友呆左啦，咁樣反口都得？但係又怕得罪阿伯，唯有死忍唔駁咀，同阿伯理論左一輪，結果都係無得嫁，d嫁妝就賤賣俾人，哭訴無門，大石壓死蟹，仲要俾人周街唱，又俾人話唔自重，無道德，女朋友簡直係啞子吃黃蓮﹗唉﹗唔嫁事少，俾人屈完再俾人唱事大呀﹗

過左一排，男朋友自覺年事已高，好想有仔送終，於是叫女朋友同自己生仔，但係一黎個中年男人唔肯同人地結婚，二黎，個男人懶君子咁話女朋友未過門，唔能夠對女朋友做d有辱人地名聲既敗德行為。若果女朋友反對，就係無團隊精神（兩個人都可以係一個團隊）結果係：男人要女朋友幫佢生仔，但係要自己搞掂，絕不能紅杏出牆，女朋友要自己單細胞繁殖﹗

女朋友無力反抗，唯有每晚都唔知點樣將自己變成單細胞動物，結果生左一個畸胎出黎，中年男人睇過一眼之後，就話個女人辦事不力，女朋友呆在當場﹗

後來，老伯要參加「最傑出老人選舉」，要搵d無親戚關係既人幫佢填推薦表，於是搵左女朋友。女朋友填完後，老伯嫌呢度寫得唔好，個度寫得自己無能力，結果要女朋友跟自己意思再寫過。女朋友唯命是從，無力say no，唯有寫到老伯天上有地下無。

苦命女朋友，為何久留呢？此處無正仔，自有正仔處。天下何處無芳草呢？