食飯時，學生A伏響張枱度瞓左，我行埋去叫佢起身食飯啦，另一個學生好厭惡咁既樣同我講：「MISS，佢尋晚開夜呀，好辛苦架，咪搞佢啦﹗」
哈，食都瞓，咁即係上堂一定瞓啦。哈，返工就好辛苦都返，返學就鍾意返下唔鍾意就唔返。哈哈﹗
-----------------------------------------------------------------------------------------------
有日同呢位學生講：「我約左你阿爸今日放學三點九黎見家長，關於上次你被記小過既事。」
學生A：「唔係吖嘛，我今日返四點喎(返工)，你三點九見，我咪遲到，我唔見呀，你地自己見啦﹗」
我無佢咁好氣：「你自己決定啦，唔留低比留低既後果更麻煩。」
佢幾乎日日返學都遲到，理由係「開夜」。返工又準時又返得足，不如去返工啦，為咩留個人響學校度，浪費大家時間呢？
----------------------------------------------------------------------------------------------
我成日都話「職業先修學校」係有價值架﹗夜校係應該繼續存在架﹗果D好似好巴閉咁走去change既官，用個腦諗下野啦﹗唉﹗有d官，改到個香港教育界一pad屎咁仲以為自己好有建樹，好犀利添﹗
支持妳!
回覆刪除[版主回覆05/22/2009 22:47:00]多謝﹗
係e+教育制度下搞到d老師好無"內"
回覆刪除學生返學校唔係學野，想讀書ge走晒去補習
真奇怪
[版主回覆05/22/2009 22:49:00]d學生對於要俾錢既學習真係會俾d心機架﹗最好要佢地俾貴d學費，讀得合格先有得refund，咁樣佢地可能會讀得上心d。
有幾天，A 學生回來後，我從來沒有見過佢正面，由早會到食飯，好像一個已進入冬眠狀態的動物，叫極都唔醒，佢返黎為MUG？
回覆刪除我終於忍唔住，有一日做到夜夜地，打電話比佢亞媽，原來係有用嘅，阿媽哦完之成，第二日已經無咁離譜，仲肯同我做功課！唔知可以捱幾耐呢？
今日，哥個失蹤左一個禮拜嘅一仔，無端端放學打比我，粗聲粗氣問我，究竟佢請假請左幾多日，由幾時請到幾時WO，我話佢走路，佢話佢遲到，老豆帶左佢返大陸，終之星期一會蒲頭，唔好話佢逃學，佢會交翻家長信，都唔知真定假！星期一睇下點。
呢個世界上，咩人都會有，為什麼父母生他們出黎，但係唔比愛佢地，由得佢地自生自滅，真係太可憐！
天下的父母要認真想一想，生兒育女，所謂何事？負一點責任吧！
[版主回覆05/24/2009 23:02:00]唔係所有父母都知道生個仔出黎應該點樣愛佢地既，有好多係無能為力，有好多係不知如何用力，有d係唔知需要用心用力，至於點解，有一千萬個理由，其中最常見既係父母真係手停口停，根本無時間；亦有係因為父母細個時自己既父母都係咁樣（用錯方法）教自己，於是就用番一樣既方法教自己既仔女；有d父母根本未嘗過咩叫做「愛」，你叫佢地點樣去愛自己同自己既骨肉呢？﹗ 其實，我地成日話d細路慘，有d父母自己都幾慘架﹗有d野唔係佢地唔想，而係佢地限於能力，無得想﹗
學校係睡塚 , 呢個已係不爭嘅事實 .
回覆刪除返學嘅想返工 , 返工嘅想返學 , 呢個都屢見不鮮 .
[版主回覆05/24/2009 22:54:00]係呀，有得返學唔洗返工，我第一個去返呀﹗學咩都好啦﹗