知唔知自己想點

我見同事c身體唔係幾好，我做緊gym個度又做緊試玩，所以睇吓佢想唔想去啦。結果佢好想去，但係又話人地送好多野俾佢，好驚俾人呃，咁我已經三番四次約佢一齊去，始終我都知間gym嘅手法，但係佢又次次都話唔得閒，咁我無理由好似d sales咁死纏架。結果，佢自己上左去，仲真係入左會。其實做吓運動，我十分支持，之但係唔好講到好似人地呃佢咁先得架。佢又話自己無時間又無錢，join左都唔會去得到，但係又俾幾千蚊去join，想點唧？(我幾睇唔過眼d人唔知自己想點架)

之後，我約佢一齊去啦，點知俾佢放左飛機，響gym度做左兩粒鐘都見唔到佢，但係知佢突然有事，咁算啦﹗但係我都再三提醒佢，如果唔諗住請教練，就唔好上佢地個free lesson，d教練費好貴，佢可以咁咁咁推，又或者咁咁咁避左俾人叫佢請教練。點知，今晚我諗住約佢聽日一齊去做gym，佢無做開嘅，我雖然唔叻，但都可以做一支盲公竹啦。哈，佢係咁話個班人好衰，自己點樣推到買宜家呢個「較平」嘅教練course，係咁話自己唔好彩，唉黎唉去咁。我聽完之後，真係有d嬲，一黎嬲佢唔知自己想點想要d咩，又成日怨人地，二黎覺得我幫唔到個朋友，三黎佢個教練收費真係貴左。

其實呢位朋友已經令我激心左好多野架喇，我應該係時候「放下」喇﹗否則，我一定會俾佢激死﹗

發洩完，應該瞓得著喇﹗