變形金剛

我從來未試過睇戲睇到唔得閒睇錶，亦從來未試過睇完之後望吓隻錶，至發現原來已經睇左兩個半鐘(但仲未夠喉)，亦未試過未離座已經想攞個remote review(睇得DVD多)，真係超好睇。

響我對呢部片毫無認知底下(唔知係咪卡通、唔知有幾長、唔知幾時響電視做過、只知係史提芬史畢堡嘅片，但係佢老人家間唔中都會整套爛片過你嘆加嘛)，陪路人甲入左場，點知愈睇愈覺得好睇。

令人嘆為觀止既特技，令人深同感受人與機械之間既友情，兩個幾鐘，眨眼就過，想揾個廁所位都幾難，竟然可以張一個天馬行空嘅故事拍成真人電影，變形金剛真係走入左我地嘅世界......機械人好自然，笑位有驚喜，仲有細緻嘅機械人， 精細嘅變身，緊張嘅劇情， 強勁嘅音效......

講多無謂，去睇最實際。