極速收錢法

前兩晚有同事生日，我同一班同事去食飯幫佢慶祝啦。同事S有事要走先，而同事C又咁啱響呢個時候黎到，於是佢地用左大約15秒嘅時間做左個座位交接儀式。同事S走左一分鐘左右又走返轉頭。

同事S對我講：「我未俾錢，你等陣幫我出住先。」

我：「(諗住整蠱同事C，等佢幫人出住多D錢)你叫C幫你出啦，上次我地夾錢送野俾阿Y，都係佢幫你出左。」

同事S有D唔好意思：「頭先佢一黎到，我俾個位佢時，佢叫左我還喇﹗」

我：「........我幫你俾左先啦﹗」

十零廿秒可以做到咁多野，同事C又真係好記性兼效率高喎﹗不過，就算要收錢，都唔洗咁緊張嘅，戔人地覺得你好緊張D錢添(雖然事實上係)。