賤人二號

世界上會有D咁賤又咁低能嘅人架。

話說某科有三位老師(P、J、O)想申請轉做學位教師，咁個阿頭就分別同三位老師講，只要佢來年表現好，就會留一個學位教席俾佢，即是要人地三個死過啦，本來都唔係大問題，問題就出在阿頭根本唔知出年有無呢個教席俾到人，就算有位都一定會俾個位同事P，阿頭亦低能在佢以為人地三個唔會私底下傾，其實三位老師都知佢D手法低劣，唔知係咪咁，同事J結果辭左職，同事O已經搵緊工。至於就算有位都一定會俾佢個位同事P就俾阿頭玩完一輪(阿頭要人地正式申請，又要試教，但其實今年D同事最少已經俾人睇過兩三次堂架喇)，開頭叫同事P申請合約學位教席，結果只係俾個合約文憑教席佢。另外阿同事O仲慘，我本人同佢合作過，真係一位好老師，但就遇人不淑，俾阿頭評佢係全個panel最低分嘅同事(我唔信，點都會有H墊底啦)，同事O都唔信，去問阿頭，得出嘅原因係佢教得一班，所以分數係最低，哈﹗呢位阿頭真係以為自己係高層，D低劣手法同D高層一樣，正一「要你升，無需理由；要你死，可以有七萬個藉口」。呢位阿頭D賤野真係罄竹難書，我唔想為左佢而唔瞓呀，唔怪得個舊阿頭咁憎佢啦﹗