賤人一號

咪以為教育界d人人品好好，品格好高尚，其實天下烏鴉一樣黑。今日結業禮，我負責買食物，當我拎d食物入房時，我發現間房仲未set過，於是我搵果三個好唔負責任嘅負責人話佢知啦，但係搵唔到，我見時間無多，於是好好心地咁幫佢地set個場啦。後來，我搵到其中一個負責人--家頭：

同事A：「我頭先見到家頭，我話佢知你搵佢，佢就打電話去你個房搵你，然後大大聲咁對住空氣講：『嗱，唔係我唔搵XXX(響我全朵﹗﹗﹗)呀，係佢唔聽我電話咋﹗』佢宜家響OFFICE，你去搵佢啦﹗」(我都唔響房，聽佢個死人頭電話咩)

我用番佢果招，一推門入OFFICE就大大聲咁話：「呀﹗MISS XYZ，我唔響房呀，我響招待房忙緊呀，個間房應該係你地負責架，不過我搵極都搵你地唔到，咪SET住先囉﹗」

家頭：「我唔知喎.....無人通知過我要SET埋個房喎.....我一路都唔知喎.....(總之態度差，無禮，一路話緊唔關佢事)」

我：「哈哈哈﹗總之你宜家不如黎幫吓手啦﹗」

搞左一輪佢至肯入去幫手。

後來，佢樣樣都走黎問我係咪要咁樣，係咪咁樣，我咪話：「其實每年我都係放低食物就有同事跟進架喇﹗其他野你問負責人啦，我頭先見無人做野，我幫吓你手架咋...」

家頭：「你唔好話幫我手呀，你唔係幫我手架。」

我(費事同佢顛)：「咁是但啦，我唔知幫邊個手SET左個場，其他野我都唔清楚你地會點做，你問負責人啦﹗」

家頭：「得喇，咁無野講囉﹗(態度衰過D學生，串過蠱惑仔)」

總之，我做完好心，仲要俾人串，俾人話我唔一早話佢知，俾人覺得係我麻煩我唔啱，真係咩世界呀？唔怪得間學校攪成咁啦，正一「國之將亡，必有妖孽」﹗

**另外果個負責人都唔係幾NICE架咋，例如：一入房就好無禮貌咁問：「叫我落黎做咩呀？」低能，校董930到，你負責接待嘅，915都仲唔現身，房又唔SET咁，仲問我？不過佢知自己無做到份內事都有同我SAY SOR，咁就算啦﹗