好有創意

話說s老師上上下堂，肥仔班長突然舉手。

肥：「miss，有人鬧我死八婆。」

s：「邊個鬧你呀？」

肥：「我頭先突然覺得張椅下面有d字，我就睇下啦，點知佢就鬧我死八婆買菠蘿喇﹗」

A同學：「miss，咁樣啱唔啱呀？」

s：「梗係唔啱啦，張椅係公物，係學校嘅野，響張椅上面寫野就係破壞公物。」

肥：「咁即係學校鬧我啦，我要投訴﹗」

A同學：「唔係喎miss，死八婆應該係賣菠蘿喎，點會係買菠蘿呀﹗」

B同學：「車，鬧佢就應該係死八公啦﹗」

C同學：「咁，死八公應該係賣檸檬啦﹗」

響呢個時候，呀MISS 已經笑死左，唔識反應喇﹗

**我好欣賞我班個肥班長嘅創意，亦好欣賞其他同學對事情嘅「理性分析」。真係超低能，勁搞笑﹗