終於鬧爆後生仔

本來諗住好頭好尾啦，點知真係頂佢唔住，火都黎埋﹗

事源尋日佢發現有學生響佢堂食野，佢要我去罰d學生之後，我返到屋企都打個電話俾佢，話佢知我今日第4-6堂會罰d學生響一樓抄野(因為下畫個兩堂d學生都仍然響課室食野)，叫佢要出去睇下d學生，幫吓手。結果，佢無咩理佢地，我只見佢出過去兩三次，每次幾秒，d學生嘈佢又唔理(其實佢出去嘅個幾秒就仲嘈)，仲走去做好人同佢地「減刑」，等我話佢知點解要咁罰後，佢就話d學生呃佢，咁我咪話：「呢d野寫晒響課室日誌啦，邊有得呃呀﹗」然後，打鐘食飯時，我見佢一支箭咁走出教員室，我仲心諗：「總算佢有d良心，識得出去放d細路上去，搞埋d手尾。」點知，原來佢走左上課室，去收佢d數學測驗卷。我就要幫佢響一樓收罰抄，安頓d學生去食飯。(大佬呀，佢都係班主任呀，我根本無教我班架喇，罰佢地就一定係班秩序嘅問題啦，但係佢永遠係唔關我事嘅態度)

我上到課室，叫左佢出課室門口，諗住話吓佢啦，點知講吓講吓：

我：「......歌唱比賽你就咩都唔理。」

H：「我有呀，我有問過你架...」

我：「你問我嘅時候我已經幫佢地選好喇，我問D學生你幫佢地選左歌未，佢地次次都話未，咁我咪幫佢地選囉﹗邊個搵歌詞呀？邊個印歌詞呀？邊個幫D學生報名呀？幾時報名你知唔知呀？上星期四之前你有無同佢地練歌呀？我唔話你知，你知唔知尋日要比賽喇？上星期五燒野食，點解會有食物嘅呢？點解D學生有波打呢？佢地落雨時跑晒出去玩水，我叫到喉嚨痛，你一句都無幫手叫停佢地呀？」

H終於有野答得上口喇：「我有呀，我有叫佢地唔好周圍跑呀﹗」

我：「幾時呀？我一D都見唔到喎，我淨係見到有兩個阿SIR落左黎同我投訴，同埋一個好似傻婆嘅老師響度叫學生唔好玩水，同埋你響度燒野食，一D都無幫手。」

H：「我有呀，我之前有叫佢地唔好響操場周圍走呀？」

我：「(你有病呀)落緊雨嘅時候你唔叫佢地，之前叫有咩用呀？你唔通見唔到我係咁叫停佢地咩？」

H：「.......」

鬧完後，無幾耐，我發現佢尋日無派訂飯單，收左響櫃筒，死啦，後日放假，星期五已經係25號啦。放學時，班長黎問我，係唔係日日都有秩序比賽張計分紙要俾老師俾分，阿SIR今日無俾佢地，今日無老師俾過分呀。於是我唯有賴晒尿咁畫一張俾佢，叫佢快手去搵番D老師俾分囉﹗

兩個CYCLE其實都好難捱架﹗

超低能

今日歌唱比賽，阿H當然係唔記得啦，係我上星期四提佢，佢先知，又當然啦，佢梗係一直都無問D學生有關比賽嘅野，例如選歌啦、幫學生報名啦....，繼續保持一貫不理不問不做嘅態度，咁當然當然當然係無同學生練歌啦，於是我唯有「吩咐」佢今日上堂時要同學生練歌。

比賽時，佢同我講話阿邊個邊個練歌時食香口膠，又話鬧左罰左，不過覺得唔夠，叫我諗吓仲有咩野罰佢地，係叫我罰佢地呀﹗﹗﹗﹗﹗佢係科任老師，又係班主任，學生仲係響佢堂食野，佢叫我去罰佢地？？？我梗係唔睬佢啦，超低能﹗如果佢淨係一個科任老師嘅話，我當然係會幫佢啦。

後來我打左個電話，好間接咁話佢知，D學生話佢唔做野，罰都係係咁椅，但係就咩都搵我，又怕我罰，因為好金.....。我「吩咐」佢要罰吓學生小息，另外，我會響佢地PE堂罰幾個，叫佢到時出黎理吓佢地，等佢地知道原來有兩個班主任嘅﹗

仲有兩個cycle呀，唔知係快定係慢呢﹗

好有創意

話說s老師上上下堂，肥仔班長突然舉手。

肥：「miss，有人鬧我死八婆。」

s：「邊個鬧你呀？」

肥：「我頭先突然覺得張椅下面有d字，我就睇下啦，點知佢就鬧我死八婆買菠蘿喇﹗」

A同學：「miss，咁樣啱唔啱呀？」

s：「梗係唔啱啦，張椅係公物，係學校嘅野，響張椅上面寫野就係破壞公物。」

肥：「咁即係學校鬧我啦，我要投訴﹗」

A同學：「唔係喎miss，死八婆應該係賣菠蘿喎，點會係買菠蘿呀﹗」

B同學：「車，鬧佢就應該係死八公啦﹗」

C同學：「咁，死八公應該係賣檸檬啦﹗」

響呢個時候，呀MISS 已經笑死左，唔識反應喇﹗

**我好欣賞我班個肥班長嘅創意，亦好欣賞其他同學對事情嘅「理性分析」。真係超低能，勁搞笑﹗

快樂鑰匙

一個成熟的人握住自己快樂鑰匙

他不期待別人使他快樂，

反而能將快樂與幸福帶給別人。

每人心中都有把「快樂的鑰匙」，

但我們卻常在不知不覺中把它交給別人掌管。

一位女士抱怨道：「我活得很不快樂，因為先生常出差不在家。」

她把快樂的鑰匙放在先生手裡。

一位媽媽說：「我的孩子不聽話，叫我很生氣！」

她把鑰匙交在孩子手中。

男人可能說：「上司不賞識我，所以我情緒低落。」

這把快樂鑰匙又被塞在老闆手裡。

婆婆說：「我的媳婦不孝順，我真命苦！」

年輕人從文具店走出來說：「那位老闆服務態度惡劣，把我氣炸了！」

這些人都做了相同的決定，就是讓別人來控制他的心情。

當我們容許別人掌控我們的情緒時，

我們便覺得自己是受害者。

對現況無能為力抱怨與憤怒或為我們唯一的選擇。

我們開始怪罪他人，並且傳達一個訊息：

「我這樣痛苦，都是你造成的，你要為我的痛苦負責！」

此時我們就把一重大的責任托給週圍的人，即要求他們使我們快樂。

我們似乎承認自己無法掌控自己，只能可憐的任人擺佈。

這樣的人使別人不喜歡接近，甚至望而生畏。

一個成熟的人握住自己快樂的鑰匙

他不期待別人使他快樂

反而能將快樂與幸福帶給別人

他的情緒穩定為自己負責

和他在一起是種享受，而不是壓力

聖經吩咐我們要「常常喜樂，不住的禱告，凡事謝恩。」

你的鑰匙在那裡？

在別人手中嗎？

快去把它拿回來吧！

給1B的信

今天我真的覺得有點兒氣餒，因為我今年真的很用心去教1B班的學生，教你們要有責任感、懂得尊重自己、尊重別人、待人以禮、明白是非、做任何事都要盡心盡力......，我盡力做好榜樣，讓你們去學習，但到了今天，已經五月九日，還有一個月便考試了，但你們仍沒有把我教的學好，反而常在我面前發脾氣、欠交功課、到留堂班時逃走、上課時破壞課室秩序......。我在這九個月來的努力是否白費了呢？

對於你們，我每事都管，只因我真的很想把你們教好，但你們似乎只覺得老師很麻煩。班裡發生的事，無論大小我都管，真的令我很累，曾經，我想過：「算吧﹗就像一些老師一樣，到班房去點點名，收收回條，間中罵一兩句，連功課都不去追齊，誰出位誰犯規都不理不罵不罰，舒舒服服的過日子也不錯吧﹗反正我只教半班家政，你們是好是壞都對我的影響不大。」但我總是仍然很想把你們教好，起碼要令你們在這一年裡學點基本的禮貌和責任。可惜，我似乎失敗了﹗

每當我見到你們的時候，幾乎都是我先向你們點頭打招呼、每次都仍然要不斷追收功課、不斷仍有同學違規、當老師說到你們的不是之處時，你們仍舊不分誰是誰非，總之要先發脾氣、成績永遠不好，只因你們根本沒有用功把書讀好......。似乎是我教得不好吧﹗

雖然我真的有點氣餒，但我仍然為你們安排燒烤會、查詢到海洋公園去的事、購買禮物去鼓勵你們把大考考好，並打了這封信。不是為什麼，只因我想你們明白，我和你的家人一樣，都很疼愛你們，希望你們做得好，不要讓我們失望，而且這也是作為一位老師應做好的工作。

真的希望你們能學得好，亦希望你們能用毅力戰勝懶惰，把書讀好，做好作為一個學生應做的本份。

H轉頭走人喎

最近有同事投訴我班D學生響放學後當學校係公屋，2,3,4,5,6樓咁跑黎跑去玩捉，於是我今朝同H講今日我點名，可以有時間鬧吓班友，但係我又覺得應該俾H知我做緊咩，同做左咩，所以我叫埋佢上去班房。

去到班房，我就已經鬧爆班友，因為佢地玩捉已經唔係第一次，上次我話過再俾人投訴就一定罰同勁鬧。成個過程起碼15分鐘，H無出過一句聲，打左上堂鐘後，佢見我好似收口喇，佢唔等我就走左(佢係空堂嘅)，之後無問過有關嘅事，我有我鬧，佢根本無心去知。到小息時，我罰左班學生留響班房派成績表。未落堂我就已經企響班房門口，原來小息前呢堂係H上，佢見我響門口，就示意我入去，然...後...自...己...就...離...開...課...室.........。幾時開始1B得一個班主任呀？我罰佢地又好，派成績表都好啦，H明明朝早聽住我留班學生小息，自己又咁方便響個課室度，都唔洗專登行上去啦，都唔理我地(我同D學生)，好野﹗

尋日呀，我因為要上堂，所以非常之唔好意思咁叫左個助理幫我放學時去捉個專走留堂嘅學生。阿助理實在非常之咁好，幫我捉到個學生，帶埋佢去留堂班，仲等埋個留堂班當值老師黎左，安排個學生坐正響老師前面至離開個課室，但係......個學生結果都走左，真係不可思意的真人真事黎架，黠解會發生呢？原因係.....個當值老師係H囉﹗之後，H連問都無問個學生點解走，罰就更加唔洗講啦﹗對於H黎講，班主任嘅職務就只係點名同收發通告，that's all.

留言呀

喂........喂..........喂.............

有無人呀？好耐無人應我喇﹗工作開係，我日日都自言自語幾粒鐘，間中有人應吓我，不過多數係廢話，究竟響呢度嘅人會唔會留吓言，等我覺得我個blog存在嘅呢？就好似d學生咁，好想有人鬧吓佢，等佢覺得自己實實在在係存在響呢個世界上面嘅一樣﹗