毎年農曆三月廿三係天后誕，路人甲細個時擔張櫈仔落樓下就有得睇喇，大個之後去過兩年影相，但我要返工，無得去，之後，我又唔響香港，今年響香港喇，一於去湊下熱鬧﹗
我地一早去到元朗雞地食個早餐，成間茶餐廳都係惡人村西邊圍d村民響度食緊野，雖然粗口滿場飛，但都無乜野既﹗
九點，我地開始影相，但今年個巡遊好似提早左開始，所有村既龍同埋獅都會去到鳳琴街體育館外既小巴總站集合，然後鳳翔路--合益路--大棠路--教育路，再到元朗大球場，最後入去大樹下天后廟。
巡遊非常熱鬧，我地一路跟住d龍同埋獅，響馬路行吓又影吓，條街又鬼咁多人睇，我地講笑咁話元朗d村今日無晒人，賊仔光顧就容易喇﹗
以下係少少花絮：
我地一早去到元朗雞地食個早餐，成間茶餐廳都係惡人村西邊圍d村民響度食緊野，雖然粗口滿場飛，但都無乜野既﹗
九點，我地開始影相，但今年個巡遊好似提早左開始，所有村既龍同埋獅都會去到鳳琴街體育館外既小巴總站集合，然後鳳翔路--合益路--大棠路--教育路，再到元朗大球場，最後入去大樹下天后廟。
巡遊非常熱鬧，我地一路跟住d龍同埋獅，響馬路行吓又影吓，條街又鬼咁多人睇，我地講笑咁話元朗d村今日無晒人，賊仔光顧就容易喇﹗
以下係少少花絮：
一般d龍都會走埋去行人路俾d街坊摸吓隻龍，等d街坊沾下旺氣，開心下﹗
呢個就係非常受歡迎既第三炮喇，丁財兩旺架﹗以前d花炮係要搶既，結果搶到出埋刀，開晒片，宜家就抽籤，斯文好多﹗
兩點至行晒所有龍同獅，本來諗住去田中醫肚先，點知經過B仔，食隻B仔船先，再經過勝利牛丸，食碗牛丸麵先，咁去到田中就已經食唔落，而佢亦關左門喇，我地無失望，明知佢關三點既﹗
沒有留言:
張貼留言