一直都好有興趣去一轉朝聖之旅，即係：埃及、以色列、約旦。雖然我係基督徒，但絕對係一個好鬼懶既基督徒，近呢兩年仲對宗教有d懷疑，所以，我覺得去行一轉係有意義既。如果去呢幾個地方而腦裡面又無一d宗教同歷史既根底，就會變成一次無根之旅，無得著，所以，當我知道有朋友會響今個月去呢幾個地方，而教會仲搞左幾次旅行前既課程，我去左聽呀，不過，實在太眼瞓喇，咩都聽唔入耳，而且，個講座既步伐都有d慢，所以只去左一次（而且我都無時間再去）。
前日，去圖書館睇書，一個唔覺意俾我搵到呢本好正既書：中國浸信會神學院出版，鄭佐生著，尋找祂鄉的意義。
書裡面有齊晒我想知想問既野，好吸引，睇完知道好多唔知既野，內容唔單只講歷史、地理、宗教故事，仲介紹好多有趣既當地資訊，同好多響聖經經常出現既字眼。就算唔係教徒，當通識書黎睇，都好有趣味架﹗
不過，都唔知幾時至有機會去lu﹗
沒有留言:
張貼留言