你瞓醒未？

尋日一早起身，同路人甲傾下計啦，第一個話題當然係講下前日發生Ｄ野啦。

我：尋日我地由科學園搭的士去雀斑媽媽屋企呀﹗

路：由大埔搭的士去？

我：由科學園搭的士去雀斑媽媽屋企。

路：由大埔搭呀？

我：由科學園搭的士去雀斑媽媽屋企。你瞓醒未呀？

路：科學園、科學園。點呢？

我：好平咋，一部的士四個人，都係每人四十蚊。

路：都成百六蚊喎﹗

我：咩呀﹗百二蚊咋，未瞓醒呀﹗

路：＄４０X４＝＄１６０

我：係喎，俾多左雀斑媽媽添﹗

路：你就真係未瞓醒喇﹗